|
ΑΡΧΟΜΕΝΟΥ ΔΕ ΠΙΘΟΥ ΚΑΙ ΛΗΓΟΝΤΟΣ ΚΟΡΕΣΑΣΘΑΙ,
ΜΕΣΣΟΘΙ ΦΕΙΔΕΣΘΑΙ: ΔΕΙΛΗ Δ' ΕΝ ΠΥΘΜΕΝΙ ΦΕΙΔΩ.
[ΜΙΣΘΟΣ Δ' ΑΝΔΡΙ ΦΙΛΩ ΕΙΡΗΜΕΝΟΣ ΑΡΚΙΟΣ ΕΣΤΩ:
ΚΑΙ ΤΕ ΚΑΣΙΓΝΗΤΩ ΓΕΛΑΣΑΣ ΕΠΙ ΜΑΡΤΥΡΑ ΘΕΣΘΑΙ:
-ΠΙΣΤΕΙΣ Δ ΑΡΑ- ΟΜΩΣ ΚΑΙ ΑΠΙΣΤΙΑΙ ΩΛΕΣΑΝ ΑΝΔΡΑΣ.]
ΜΗΔΕ ΓΥΝΗ ΣΕ ΝΟΟΝ ΠΥΓΟΣΤΟΛΟΣ ΕΞΑΠΑΤΑΤΩ
ΑΙΜΥΛΑ ΚΩΤΙΛΛΟΥΣΑ, ΤΕΗΝ ΔΙΦΩΣΑ ΚΑΛΙΗΝ:
ΟΣ ΔΕ ΓΥΝΑΙΚΙ ΠΕΠΟΙΘΕ, ΠΕΠΟΙΘ' Ο ΓΕ ΦΙΛΗΤΗΣΙΝ.
ΜΟΥΝΟΓΕΝΗΣ ΔΕ ΠΑΙΣ ΕΙΗ ΠΑΤΡΩΙΟΝ ΟΙΚΟΝ
ΦΕΡΒΕΜΕΝ: ΩΣ ΓΑΡ ΠΛΟΥΤΟΣ ΑΕΞΕΤΑΙ ΕΝ ΜΕΓΑΡΟΙΣΙΝ:
ΓΗΡΑΙΟΣ ΔΕ ΘΑΝΟΙ ΕΤΕΡΟΣ ΠΑΙΔ' ΕΓΚΑΤΑΛΕΙΠΩΝ.
ΡΕΙΑ ΔΕ ΚΕΝ ΠΛΕΟΝΕΣΣΙ ΠΟΡΟΙ ΖΕΥΣ ΑΣΠΕΤΟΝ ΟΛΒΟΝ:
ΠΛΕΙΩΝ ΜΕΝ ΠΛΕΟΝΩΝ ΜΕΛΕΤΗ, ΜΕΙΖΩΝ Δ' ΕΠΙΘΗΚΗ.
ΣΟΙ Δ' ΕΙ ΠΛΟΥΤΟΥ ΘΥΜΟΣ ΕΕΛΔΕΤΑΙ ΕΝ ΦΡΕΣΙ ΣΗΣΙΝ,
ΩΔ' ΕΡΔΕΙΝ, ΚΑΙ ΕΡΓΟΝ ΕΠ' ΕΡΓΩ ΕΡΓΑΖΕΣΘΑΙ.
6
ΠΛΗΙΑΔΩΝ ΑΤΛΑΓΕΝΕΩΝ ΕΠΙΤΕΛΛΟΜΕΝΑΩΝ
ΑΡΧΕΣΘ' ΑΜΗΤΟΥ ΑΡΟΤΟΙΟ ΔΕ ΔΥΣΟΜΕΝΑΩΝ.
ΑΙ ΔΗ ΤΟΙ ΝΥΚΤΑΣ ΤΕ ΚΑΙ ΗΜΑΤΑ ΤΕΣΣΑΡΑΚΟΝΤΑ
ΚΕΚΡΥΦΑΤΑΙ, ΑΥΤΙΣ ΔΕ ΠΕΡΙΠΛΟΜΕΝΟΥ ΕΝΙΑΥΤΟΥ
ΦΑΙΝΟΝΤΑΙ ΤΑ ΠΡΩΤΑ ΧΑΡΑΣΣΟΜΕΝΟΙΟ ΣΙΔΗΡΟΥ.
ΟΥΤΟΣ ΣΟΙ ΠΕΔΙΩΝ ΠΕΛΕΤΑΙ ΝΟΜΟΣ ΟΙ ΤΕ ΘΑΛΑΣΣΗΣ
ΕΓΓΥΘΙ ΝΑΙΕΤΑΟΥΣ' ΟΙ Τ' ΑΓΚΕΑ ΒΗΣΣΗΕΝΤΑ
ΠΟΝΤΟΥ ΚΥΜΑΙΝΟΝΤΟΣ ΑΠΟΠΡΟΘΙ, ΠΙΟΝΑ ΧΩΡΟΝ,
ΝΑΙΟΥΣΙΝ: ΓΥΜΝΟΝ ΣΠΕΙΡΕΙΝ, ΓΥΜΝΟΝ ΔΕ ΒΟΩΤΕΙΝ,
ΓΥΜΝΟΝ Δ' ΑΜΑΕΙΝ, ΕΙ Χ' ΩΡΙΑ ΠΑΝΤ' ΕΘΕΛΗΣΘΑ
ΕΡΓΑ ΚΟΜΙΖΕΣΘΑΙ ΔΗΜΗΤΕΡΟΣ, ΩΣ ΤΟΙ ΕΚΑΣΤΑ
ΩΡΙ' ΑΕΞΗΤΑΙ, ΜΗ ΠΩΣ ΤΑ ΜΕΤΑΖΕ ΧΑΤΙΖΩΝ
ΠΤΩΣΣΗΣ ΑΛΛΟΤΡΙΟΥΣ ΟΙΚΟΥΣ ΚΑΙ ΜΗΔΕΝ ΑΝΥΣΣΗΣ.
ΩΣ ΚΑΙ ΝΥΝ ΕΠ' ΕΜ' ΗΛΘΕΣ: ΕΓΩ ΔΕ ΤΟΙ ΟΥΚ ΕΠΙΔΩΣΩ
ΟΥΔ' ΕΠΙΜΕΤΡΗΣΩ: ΕΡΓΑΖΕΥ, ΝΗΠΙΕ ΠΕΡΣΗ,
ΕΡΓΑ ΤΑ Τ' ΑΝΘΡΩΠΟΙΣΙ ΘΕΟΙ ΔΙΕΤΕΚΜΗΡΑΝΤΟ,
ΜΗ ΠΟΤΕ ΣΥΝ ΠΑΙΔΕΣΣΙ ΓΥΝΑΙΚΙ ΤΕ ΘΥΜΟΝ ΑΧΕΥΩΝ
ΖΗΤΕΥΗΣ ΒΙΟΤΟΝ ΚΑΤΑ ΓΕΙΤΟΝΑΣ, ΟΙ Δ' ΑΜΕΛΩΣΙΝ.
ΔΙΣ ΜΕΝ ΓΑΡ ΚΑΙ ΤΡΙΣ ΤΑΧΑ ΤΕΥΞΕΑΙ: ΗΝ Δ' ΕΤΙ ΛΥΠΗΣ,
ΧΡΗΜΑ ΜΕΝ ΟΥ ΠΡΗΞΕΙΣ, ΣΥ Δ' ΕΤΩΣΙΑ ΠΟΛΛ' ΑΓΟΡΕΥΕΙΣ,
ΑΧΡΕΙΟΣ Δ' ΕΣΤΑΙ ΕΠΕΩΝ ΝΟΜΟΣ. ΑΛΛΑ Σ' ΑΝΩΓΑ
ΦΡΑΖΕΣΘΑΙ ΧΡΕΙΩΝ ΤΕ ΛΥΣΙΝ ΛΙΜΟΥ Τ' ΑΛΕΩΡΗΝ.
ΟΙΚΟΝ ΜΕΝ ΠΡΩΤΙΣΤΑ ΓΥΝΑΙΚΑ ΤΕ ΒΟΥΝ Τ' ΑΡΟΤΗΡΑ,
[ΚΤΗΤΗΝ, ΟΥ ΓΑΜΕΤΗΝ, ΗΤΙΣ ΚΑΙ ΒΟΥΣΙΝ ΕΠΟΙΤΟ,]
ΧΡΗΜΑΤΑ Δ' ΕΙΝ ΟΙΚΩ ΠΑΝΤ' ΑΡΜΕΝΑ ΠΟΙΗΣΑΣΘΑΙ,
ΜΗ ΣΥ ΜΕΝ ΑΥΤΗΣ ΑΛΛΟΝ, Ο Δ' ΑΡΝΗΤΑΙ, ΣΥ ΔΕ ΤΗΤΑ,
Η Δ' ΩΡΗ ΠΑΡΑΜΕΙΒΗΤΑΙ, ΜΙΝΥΘΗ ΔΕ ΤΟΙ ΕΡΓΟΝ.
ΜΗΔ' ΑΝΑΒΑΛΛΕΣΘΑΙ ΕΣ Τ' ΑΥΡΙΟΝ ΕΣ ΤΕ ΕΝΗΦΙ:
ΟΥ ΓΑΡ ΕΤΩΣΙΟΕΡΓΟΣ ΑΝΗΡ ΠΙΜΠΛΗΣΙ ΚΑΛΙΗΝ
ΟΥΔ' ΑΝΑΒΑΛΛΟΜΕΝΟΣ: ΜΕΛΕΤΗ ΔΕ ΤΟΙ ΕΡΓΟΝ ΟΦΕΛΛΕΙ:
ΑΙΕΙ Δ' ΑΜΒΟΛΙΕΡΓΟΣ ΑΝΗΡ ΑΤΗΣΙ ΠΑΛΑΙΕΙ.
ΗΜΟΣ ΔΗ ΛΗΓΕΙ ΜΕΝΟΣ ΟΞΕΟΣ ΗΕΛΙΟΙΟ
ΚΑΥΜΑΤΟΣ ΙΔΑΛΙΜΟΥ, ΜΕΤΟΠΩΡΙΝΟΝ ΟΜΒΡΗΣΑΝΤΟΣ
ΖΗΝΟΣ ΕΡΙΣΘΕΝΕΟΣ, ΜΕΤΑ ΔΕ ΤΡΕΠΕΤΑΙ ΒΡΟΤΕΟΣ ΧΡΩΣ
ΠΟΛΛΟΝ ΕΛΑΦΡΟΤΕΡΟΣ: ΔΗ ΓΑΡ ΤΟΤΕ ΣΕΙΡΙΟΣ ΑΣΤΗΡ
ΒΑΙΟΝ ΥΠΕΡ ΚΕΦΑΛΗΣ ΚΗΡΙΤΡΕΦΕΩΝ ΑΝΘΡΩΠΩΝ
ΕΡΧΕΤΑΙ ΗΜΑΤΙΟΣ, ΠΛΕΙΟΝ ΔΕ ΤΕ ΝΥΚΤΟΣ ΕΠΑΥΡΕΙ:
ΤΗΜΟΣ ΑΔΗΚΤΟΤΑΤΗ ΠΕΛΕΤΑΙ ΤΜΗΘΕΙΣΑ ΣΙΔΗΡΩ
ΥΛΗ, ΦΥΛΛΑ Δ' ΕΡΑΖΕ ΧΕΕΙ, ΠΤΟΡΘΟΙΟ ΤΕ ΛΗΓΕΙ:
ΤΗΜΟΣ ΑΡ' ΥΛΟΤΟΜΕΙΝ ΜΕΜΝΗΜΕΝΟΣ ΩΡΙΑ ΕΡΓΑ:
ΟΛΜΟΣ ΜΕΝ ΤΡΙΠΟΔΗΝ ΤΑΜΝΕΙΝ, ΥΠΕΡΟΝ ΔΕ ΤΡΙΠΗΧΥΝ,
ΑΞΟΝΑ Δ' ΕΠΤΑΠΟΔΗΝ: ΜΑΛΑ ΓΑΡ ΝΥ ΤΟΙ ΑΡΜΕΝΟΝ ΟΥΤΩ:
ΕΙ ΔΕ ΚΕΝ ΟΚΤΑΠΟΔΗΝ, ΑΠΟ ΚΑΙ ΣΦΥΡΑΝ ΚΕ ΤΑΜΟΙΟ.
ΤΡΙΣΠΙΘΑΜΟΝ Δ΄ΑΨΙΝ ΤΑΜΝΕΙΝ ΔΕΚΑΔΩΡΩ ΑΜΑΞΗ,
ΠΟΛΛ' ΕΠΙΚΑΜΠΥΛΑ ΚΑΛΑ: ΦΕΡΕΙΝ ΔΕ ΓΥΗΝ, ΟΤ' ΑΝ ΕΥΡΗΣ,
ΕΙΣ ΟΙΚΟΝ, ΚΑΤ΄ΟΡΟΣ ΔΙΖΗΜΕΝΟΣ Η ΚΑΤ' ΑΡΟΥΡΑΝ,
ΠΡΙΝΙΝΟΝ: ΟΣ ΓΑΡ ΒΟΥΣΙΝ ΑΡΟΥΝ ΟΧΥΡΩΤΑΤΟΣ ΕΣΤΙΝ,
ΕΥΤ' ΑΝ ΑΘΗΝΑΙΗΣ ΔΜΩΟΣ ΕΝ ΕΛΥΜΑΤΙ ΠΗΞΑΣ
ΓΟΜΦΟΙΣΙΝ ΠΕΛΑΣΑΣ ΠΡΟΣΑΡΗΡΕΤΑΘ ΙΣΤΟΒΟΗΙ.
ΔΟΙΑ ΔΕ ΘΕΣΘΑΙ ΑΡΟΤΡΑ, ΠΟΝΗΣΑΜΕΝΟΣ ΚΑΤΑ ΟΙΚΟΝ,
ΑΥΤΟΓΥΟΝ ΚΑΙ ΠΗΚΤΟΝ, ΕΠΕΙ ΠΟΛΥ ΛΩΙΟΝ ΟΥΤΩ:
ΕΙ Χ' ΕΤΕΡΟΝ [Γ'] ΑΞΑΙΣ, ΕΤΕΡΟΝ Κ' ΕΠΙ ΒΟΥΣΙ ΒΑΛΟΙΟ.
ΔΑΦΝΗΣ Δ' Η ΠΤΕΛΕΗΣ ΑΚΙΩΤΑΤΟΙ ΙΣΤΟΒΟΗΕΣ.
ΔΡΥΟΣ ΕΛΥΜΑ, ΠΡΙΝΟΥ ΔΕ ΓΥΗΝ. ΒΟΕ Δ' ΕΝΝΑΕΤΗΡΩ
ΑΡΣΕΝΕ ΚΕΚΤΗΣΘΑΙ: [ΤΩΝ ΓΑΡ ΣΘΕΝΟΣ ΟΥΚ ΑΛΑΠΑΔΝΟΝ:
ΗΒΗΣ ΜΕΤΡΟΝ ΕΧΟΝΤΕ:] ΤΩ ΕΡΓΑΖΕΣΘΑΙ ΑΡΙΣΤΩ.
ΟΥΚ ΑΝ ΤΩ Γ' ΕΡΙΣΑΝΤΕ ΕΝ ΑΥΛΑΚΙ ΚΑΜ ΜΕΝ ΑΡΟΤΡΟΝ
ΑΞΕΙΑΝ, ΤΟ ΔΕ ΕΡΓΟΝ ΕΤΩΣΙΟΝ ΑΥΘΙ ΛΙΠΟΙΕΝ.
ΤΟΙΣ Δ' ΑΜΑ ΤΕΣΣΑΡΑΚΟΝΤΑΕΤΗΣ ΑΙΖΗΟΣ ΕΠΟΙΤΟ
ΑΡΤΟΝ ΔΕΙΠΝΗΣΑΣ ΤΕΤΡΑΤΡΥΦΟΝ, ΟΚΤΑΒΛΩΜΟΝ,
ΟΣ Κ' ΕΡΓΟΥ ΜΕΛΕΤΩΝ ΙΘΕΙΗΝ ΑΥΛΑΚ' ΕΛΑΥΝΟΙ,
ΜΗΚΕΤΙ ΠΑΠΤΑΙΝΩΝ ΜΕΘ' ΟΜΗΛΙΚΑΣ, ΑΛΛ' ΕΠΙ ΕΡΓΩ
ΘΥΜΟΝ ΕΧΩΝ: ΤΟΥ Δ' ΟΥ ΤΙ ΝΕΩΤΕΡΟΣ ΑΛΛΟΣ ΑΜΕΙΝΩΝ
ΣΠΕΡΜΑΤΑ ΔΑΣΣΑΣΘΑΙ ΚΑΙ ΕΠΙΣΠΟΡΙΗΝ ΑΛΕΑΣΘΑΙ:
ΚΟΥΡΟΤΕΡΟΣ ΓΑΡ ΑΝΗΡ ΜΕΘ' ΟΜΗΛΙΚΑΣ ΕΠΤΟΙΗΤΑΙ.
ΦΡΑΖΕΣΘΑΙ Δ' ΕΥΤ' ΑΝ ΓΕΡΑΝΟΥ ΦΩΝΗΝ ΕΠΑΚΟΥΣΗΣ
ΥΨΟΘΕΝ ΕΚ ΝΕΦΕΩΝ ΕΝΙΑΥΣΙΑ ΚΕΚΛΗΓΥΙΗΣ,
Η Τ' ΑΡΟΤΟΙΟ ΤΕ ΣΗΜΑ ΦΕΡΕΙ ΚΑΙ ΧΕΙΜΑΤΟΣ ΩΡΗΝ
ΔΕΙΚΝΥΕΙ ΟΜΒΡΗΤΟΥ, ΚΡΑΔΙΗΝ Δ' ΕΔΑΚ ΑΝΔΡΟΣ ΑΒΟΥΤΕΩ:
ΔΗ ΤΟΤΕ ΧΟΡΤΑΖΕΙΝ ΕΛΙΚΑΣ ΒΟΑΣ ΕΝΔΟΝ ΕΟΝΤΑΣ:
ΡΗΙΔΙΟΝ ΓΑΡ ΕΠΟΣ ΕΙΠΕΙΝ: "ΒΟΕ ΔΟΣ ΚΑΙ ΑΜΑΞΑΝ:"
ΡΗΙΔΙΟΝ Δ' ΑΠΑΝΗΝΑΣΘΑΙ: "ΠΑΡΑ [Δ'] ΕΡΓΑ ΒΟΕΣΣΙΝ."
ΦΗΣΙ Δ' ΑΝΗΡ ΦΡΕΝΑΣ ΑΦΝΕΙΟΣ ΠΗΞΑΣΘΑΙ ΑΜΑΞΑΝ:
ΝΗΠΙΟΣ, ΟΥΔΕ ΤΟ ΟΙΔ': ΕΚΑΤΟΝ ΔΕ ΤΕ ΔΟΥΡΑΤ' ΑΜΑΞΗΣ,
ΤΩΝ ΠΡΟΣΘΕΝ ΜΕΛΕΤΗΝ ΕΧΕΜΕΝ ΟΙΚΗΙΑ ΘΕΣΘΑΙ.
ΕΥΤ' ΑΝ ΔΗ ΠΡΩΤΙΣΤ' ΑΡΟΤΟΣ ΘΝΗΤΟΙΣΙ ΦΑΝΗΗ,
ΔΗ ΤΟΤ' ΕΦΟΡΜΗΘΗΝΑΙ, ΟΜΩΣ ΔΜΩΕΣ ΤΕ ΚΑΙ ΑΥΤΟΣ,
ΑΥΗΝ ΚΑΙ ΔΙΕΡΗΝ ΑΡΟΩΝ ΑΡΟΤΟΙΟ ΚΑΘ' ΩΡΗΝ,
ΠΡΩΙ ΜΑΛΑ ΣΠΕΥΔΩΝ, ΙΝΑ ΤΟΙ ΠΛΗΘΩΣΙΝ ΑΡΟΥΡΑΙ.
ΕΑΡΙ ΠΟΛΕΙΝ: ΘΕΡΕΟΣ ΔΕ ΝΕΩΜΕΝΗ ΟΥ Σ' ΑΠΑΝΤΗΣΕΙ:
ΝΕΙΟΝ ΔΕ ΣΠΕΙΡΕΙΝ ΕΤΙ ΚΟΥΦΙΖΟΥΣΑΝ ΑΡΟΥΡΑΝ.
ΝΕΙΟΣ ΑΛΕΞΙΑΡΗ ΠΑΙΔΩΝ ΕΥΚΗΛΗΤΕΙΡΑ.
ΕΥΧΕΣΘΑΙ ΔΕ ΔΙΙ ΧΘΟΝΙΩ ΔΗΜΗΤΕΡΙ Θ' ΑΓΝΩ
ΕΚΤΕΛΕΑ ΒΡΙΘΕΙΝ ΔΗΜΗΤΕΡΟΣ ΙΕΡΟΝ ΑΚΤΗΝ,
ΑΡΧΟΜΕΝΟΣ ΤΑ ΠΡΩΤ' ΑΡΟΤΟΥ, ΟΤ' ΑΝ ΑΚΡΟΝ ΕΧΕΤΛΗΣ
ΧΕΙΡΙ ΛΑΒΩΝ ΟΡΠΗΚΙ ΒΟΩΝ ΕΠΙ ΝΩΤΟΝ ΙΚΗΑΙ
ΕΝΔΡΥΟΝ ΕΛΚΟΝΤΩΝ ΜΕΣΑΒΩΝ. Ο ΔΕ ΤΥΤΘΟΣ ΟΠΙΣΘΕ
ΔΜΩΟΣ ΕΧΩΝ ΜΑΚΕΛΗΝ ΠΟΝΟΝ ΟΡΝΙΣΕΣΘΑΙ ΤΙΘΕΙΗ
ΣΠΕΡΜΑ ΚΑΤΑΚΡΥΠΤΩΝ: ΕΥΘΗΜΟΣΥΝΗ ΓΑΡ ΑΡΙΣΤΗ
ΘΝΗΤΟΙΣ ΑΝΘΡΩΠΟΙΣ, ΚΑΚΟΘΗΜΟΣΥΝΗ ΔΕ ΚΑΚΙΣΤΗ.
ΩΔΕ ΚΕΝ ΑΔΡΟΣΥΝΗ ΣΤΑΧΥΕΣ ΝΕΥΟΙΕΝ ΕΡΑΖΕ,
ΕΙ ΤΕΛΟΣ ΑΥΤΟΣ ΟΠΙΣΘΕΝ ΟΛΥΜΠΙΟΣ ΕΣΘΛΟΝ ΟΠΑΖΟΙ,
ΕΚ Δ' ΑΓΓΕΩΝ ΕΛΑΣΕΙΑΣ ΑΡΑΧΝΙΑ, ΚΑΙ ΣΕ ΕΟΛΠΑ
ΓΗΘΗΣΕΙΝ ΒΙΟΤΟΥ ΑΙΡΕΥΜΕΝΟΝ ΕΝΔΟΝ ΕΟΝΤΟΣ.
ΕΥΟΧΘΕΩΝ Δ' ΙΞΕΑΙ ΠΟΛΙΟΝ ΕΑΡ ΟΥΔΕ ΠΡΟΣ ΑΛΛΟΥΣ
ΑΥΓΑΣΕΑΙ: ΣΕΟ Δ' ΑΛΛΟΣ ΑΝΗΡ ΚΕΧΡΗΜΕΝΟΣ ΕΣΤΑΙ.
ΕΙ ΔΕ ΚΕΝ ΗΕΛΙΟΙΟ ΤΡΟΠΗΣ ΑΡΟΩΣ ΧΘΟΝΑ ΔΙΑΝ,
ΗΜΕΝΟΣ ΑΜΗΣΕΙΣ ΟΛΙΓΟΝ ΠΕΡΙ ΧΕΙΡΟΣ ΕΕΡΓΩΝ,
ΑΝΤΙΑ ΔΕΣΜΕΥΩΝ ΚΕΚΟΝΙΜΕΝΟΣ, ΟΥ ΜΑΛΑ ΧΑΙΡΩΝ,
ΟΙΣΕΙΣ Δ' ΕΝ ΦΟΡΜΩ: ΠΑΥΡΟΙ ΔΕ ΣΕ ΘΗΗΣΟΝΤΑΙ.
ΑΛΛΟΤΕ Δ' ΑΛΛΟΙΟΣ ΖΗΝΟΣ ΝΟΟΣ ΑΙΓΙΟΧΟΙΟ,
ΑΡΓΑΛΕΟΣ Δ' ΑΝΔΡΕΣΣΙ ΚΑΤΑΘΝΗΤΟΙΣΙ ΝΟΗΣΑΙ.
ΕΙ ΔΗ Κ' ΟΨ' ΑΡΟΣΗΣ, ΤΟΔΕ ΚΕΝ ΤΟΙ ΦΑΡΜΑΚΟΝ ΕΙΗ:
ΗΜΟΣ ΚΟΚΚΥΞ ΚΟΚΚΥΖΕΙ ΔΡΥΟΣ ΕΝ ΠΕΤΑΛΟΙΣΙ
ΤΟ ΠΡΩΤΟΝ, ΤΕΡΠΕΙ ΔΕ ΒΡΟΤΟΥΣ ΕΠ' ΑΠΕΙΡΟΝΑ ΓΑΙΑΝ,
ΤΗΜΟΣ ΖΕΥΣ ΥΟΙ ΤΡΙΤΩ ΗΜΑΤΙ ΜΗΔ' ΑΠΟΛΗΓΟΙ,
ΜΗΤ' ΑΡ' ΥΠΕΡΒΑΛΛΩΝ ΒΟΟΣ ΟΠΛΗΝ ΜΗΤ' ΑΠΟΛΕΙΠΩΝ:
ΟΥΤΩ Κ' ΟΨΑΡΟΤΗΣ ΠΡΩΙΗΡΟΤΗ ΙΣΟΦΑΡΙΖΟΙ.
ΕΝ ΘΥΜΩ Δ' ΕΥ ΠΑΝΤΑ ΦΥΛΑΣΣΕΟ: ΜΗΔΕ ΣΕ ΛΗΘΟΙ
ΜΗΤ' ΕΑΡ ΓΙΝΟΜΕΝΟΝ ΠΟΛΙΟΝ ΜΗΘ' ΩΡΙΟΣ ΟΜΒΡΟΣ.
ΠΑΡ Δ' ΙΘΙ ΧΑΛΚΕΙΟΝ ΘΩΚΟΝ ΚΑΙ ΕΠΑΛΕΑ ΛΕΣΧΗΝ
ΩΡΗ ΧΕΙΜΕΡΙΗ, ΟΠΟΤΕ ΚΡΥΟΣ ΑΝΕΡΑ ΕΡΓΩΝ
ΙΣΧΑΝΕΙ, ΕΝΘΑ Κ' ΑΟΚΝΟΣ ΑΝΗΡ ΜΕΓΑ ΟΙΚΟΝ ΟΦΕΛΛΟΙ,
ΜΗ ΣΕ ΚΑΚΟΥ ΧΕΙΜΩΝΟΣ ΑΜΗΧΑΝΙΗ ΚΑΤΑΜΑΡΨΗ
ΣΥΝ ΠΕΝΙΗ, ΛΕΠΤΗ ΔΕ ΠΑΧΥΝ ΠΟΔΑ ΧΕΙΡΙ ΠΙΕΖΗΣ.
ΠΟΛΛΑ Δ' ΑΕΡΓΟΣ ΑΝΗΡ, ΚΕΝΕΗΝ ΕΠΙ ΕΛΠΙΔΑ ΜΙΜΝΩΝ,
ΧΡΗΙΖΩΝ ΒΙΟΤΟΙΟ, ΚΑΚΑ ΠΡΟΣΕΛΕΞΑΤΟ ΘΥΜΩ.
ΕΛΠΙΣ Δ' ΟΥΚ ΑΓΑΘΗ ΚΕΧΡΗΜΕΝΟΝ ΑΝΔΡΑ ΚΟΜΙΖΕΙ,
ΗΜΕΝΟΝ ΕΝ ΛΕΣΧΗ, ΤΩ ΜΗ ΒΙΟΣ ΑΡΚΙΟΣ ΕΙΗ.
ΔΕΙΚΝΥΕ ΔΕ ΔΜΩΕΣΣΙ ΘΕΡΕΥΣ ΕΤΙ ΜΕΣΣΟΥ ΕΟΝΤΟΣ:
"ΟΥΚ ΑΙΕΙ ΘΕΡΟΣ ΕΣΣΕΙΤΑΙ, ΠΟΙΕΙΣΘΕ ΚΑΛΙΑΣ."
ΜΗΝΑ ΔΕ ΛΗΝΑΙΩΝΑ, ΚΑΚ' ΗΜΑΤΑ, ΒΟΥΔΟΡΑ ΠΑΝΤΑ,
ΤΟΥΤΟΝ ΑΛΕΥΑΣΘΑΙ ΚΑΙ ΠΗΓΑΔΑΣ, ΑΙ Τ' ΕΠΙ ΓΑΙΑΝ
ΠΝΕΥΣΑΝΤΟΣ ΒΟΡΕΑΟ ΔΥΣΗΛΕΓΕΕΣ ΤΕΛΕΘΟΥΣΙΝ,
ΟΣ ΤΕ ΔΙΑ ΘΡΗΚΗΣ ΙΠΠΟΤΡΟΦΟΥ ΕΥΡΕΙ ΠΟΝΤΩ
ΕΜΠΝΕΥΣΑΣ ΩΡΙΝΕ ΜΕΜΥΚΕ ΔΕ ΓΑΙΑ ΚΑΙ ΥΛΗ:
ΠΟΛΛΑΣ ΔΕ ΔΡΥΣ ΥΨΙΚΟΜΟΥΣ ΕΛΑΤΑΣ ΤΕ ΠΑΧΕΙΑΣ
ΟΥΡΕΟΣ ΕΝ ΒΗΣΣΗΣ ΠΙΛΝΑ ΧΘΟΝΙ ΠΟΥΛΥΒΟΤΕΙΡΗ
ΕΜΠΙΠΤΩΝ, ΚΑΙ ΠΑΣΑ ΒΟΑ ΤΟΤΕ ΝΗΡΙΤΟΣ ΥΛΗ:
ΘΗΡΕΣ ΔΕ ΦΡΙΣΣΟΥΣ', ΟΥΡΑΣ Δ' ΥΠΟ ΜΕΖΕ' ΕΘΕΝΤΟ:
ΤΩΝ ΚΑΙ ΛΑΧΝΗ ΔΕΡΜΑ ΚΑΤΑΣΚΙΟΝ: ΑΛΛΑ ΝΥ ΚΑΙ ΤΩΝ
ΨΥΧΡΟΣ ΕΩΝ ΔΙΑΗΣΙ ΔΑΣΥΣΤΕΡΝΩΝ ΠΕΡ ΕΟΝΤΩΝ:
ΚΑΙ ΤΕ ΔΙΑ ΡΙΝΟΥ ΒΟΟΣ ΕΡΧΕΤΑΙ ΟΥΔΕ ΜΙΝ ΙΣΧΕΙ,
ΚΑΙ ΤΕ ΔΙ' ΑΙΓΑ ΑΗΣΙ ΤΑΝΥΤΡΙΧΑ: ΠΩΕΑ Δ' ΟΥΤΙ,
ΟΥΝΕΚ' ΕΠΗΕΤΑΝΑΙ ΤΡΙΧΕΣ ΑΥΤΩΝ, ΟΥ ΔΙΑΗΣΙ
ΙΣ ΑΝΕΜΟΥ ΒΟΡΕΩ: ΤΡΟΧΑΛΟΝ ΔΕ ΓΕΡΟΝΤΑ ΤΙΘΗΣΙΝ
ΚΑΙ ΔΙΑ ΠΑΡΘΕΝΙΚΗΣ ΑΠΑΛΟΧΡΟΟΣ ΟΥ ΔΙΑΗΣΙΝ,
Η ΤΕ ΔΟΜΩΝ ΕΝΤΕΣΘΕ ΦΙΛΗ ΠΑΡΑ ΜΗΤΕΡΙ ΜΙΜΝΕΙ,
ΟΥΠΩ ΕΡΓΑ ΙΔΥΙΑ ΠΟΛΥΧΡΥΣΟΥ ΑΦΡΟΔΙΤΗΣ,
ΕΥ ΤΕ ΛΟΕΣΣΑΜΕΝΗ ΤΕΡΕΝΑ ΧΡΟΑ ΚΑΙ ΛΙΠ' ΕΛΑΙΩ
ΧΡΙΣΑΜΕΝΗ ΜΥΧΙΗ ΚΑΤΑΛΕΞΕΤΑΙ ΕΝΔΟΞΙ ΟΙΚΟΥ,
ΗΜΑΤΙ ΧΕΙΜΕΡΙΩ, ΟΤ' ΑΝΟΣΤΕΟΣ ΟΝ ΠΟΔΑ ΤΕΝΔΕΙ
ΕΝ Τ' ΑΠΥΡΩ ΟΙΚΩ ΚΑΙ ΗΘΕΣΙ ΛΕΥΓΑΛΕΟΙΣΙΝ:
ΟΥ ΓΑΡ ΟΙ ΗΕΛΙΟΣ ΔΕΙΚΝΥ ΝΟΜΟΝ ΟΡΜΗΘΗΝΑΙ,
ΑΛΛ' ΕΠΙ ΚΥΑΝΕΩΝ ΑΝΔΡΩΝ ΔΗΜΟΝ ΤΕ ΠΟΛΙΝ ΤΕ
ΣΤΡΩΦΑΤΑΙ, ΒΡΑΔΙΟΝ ΔΕ ΠΑΝΕΛΛΗΝΕΣΣΙ ΦΑΕΙΝΕΙ.
ΚΑΙ ΤΟΤΕ ΔΗ ΚΕΡΑΟΙ ΚΑΙ ΝΗΚΕΡΟΙ ΥΛΗΚΟΙΤΑΙ
ΛΥΓΡΟΝ ΜΥΛΙΟΩΝΤΕΣ ΑΝΑ ΔΡΙΑ ΒΗΣΣΗΕΝΤΑ,
ΦΕΥΓΟΥΣΙΝ, ΚΑΙ ΠΑΣΙΝ ΕΝΙ ΦΡΕΣΙ ΤΟΥΤΟ ΜΕΜΗΛΕΝ,
ΟΙ ΣΚΕΠΑ ΜΑΙΟΜΕΝΟΙ ΠΥΚΙΝΟΥΣ ΚΕΥΘΜΩΝΑΣ ΕΧΟΥΣΙ
ΚΑΚ ΓΛΑΦΥ ΠΕΤΡΗΕΝ: ΤΟΤΕ ΔΗ ΤΡΙΠΟΔΙ ΒΡΟΤΟΙ ΙΣΟΙ,
ΙΥ Τ' ΕΠΙ ΝΩΤΑ ΕΑΓΕ, ΚΑΡΗ Δ' ΕΙΣ ΟΥΔΑΣ ΟΡΑΤΑΙ:
ΤΩ ΙΚΕΛΟΙ ΦΟΙΤΩΣΙΝ, ΑΛΕΥΟΜΕΝΟΙ ΝΙΦΑ ΛΕΥΚΗΝ.
ΚΑΙ ΤΟΤΕ ΕΣΣΑΣΘΑΙ ΕΡΥΜΑ ΧΡΟΟΣ, ΩΣ ΣΕ ΚΕΛΕΥΩ,
ΧΛΑΙΝΑΝ ΤΕ ΜΑΛΑΚΗΝ ΚΑΙ ΤΕΡΜΙΟΕΝΤΑ ΧΙΤΩΝΑ:
ΣΤΗΜΟΝΙ Δ' ΕΝ ΠΑΥΡΩ ΠΟΛΛΗΝ ΚΡΟΚΑ ΜΗΡΥΣΑΣΘΑΙ:
ΤΗΝ ΠΕΡΙΕΣΣΑΣΘΑΙ, ΙΝΑ ΤΟΙ ΤΡΙΧΕΣ ΑΤΡΕΜΕΩΣΙ
ΜΗΔ' ΟΡΘΑΙ ΦΡΙΣΣΩΣΙΝ ΑΕΙΡΟΜΕΝΑΙ ΚΑΤΑ ΣΩΜΑ:
ΑΜΦΙ ΔΕ ΠΟΣΣΙ ΠΕΔΙΛΑ ΒΟΟΣ ΙΦΙ ΚΤΑΜΕΝΟΙΟ
ΑΡΜΕΝΑ ΔΗΣΑΣΘΑΙ, ΠΙΛΟΙΣ ΕΝΤΟΣΘΕ ΠΥΚΑΣΣΑΣ:
ΠΡΩΤΟΓΟΝΩΝ Δ' ΕΡΙΦΩΝ, ΟΠΟΤ' ΑΝ ΚΡΥΟΣ ΩΡΙΟΝ ΕΛΘΗ,
ΔΕΡΜΑΤΑ ΣΥΡΡΑΠΤΕΙΝ ΝΕΥΡΩ ΒΟΟΣ, ΟΦΡ' ΕΠΙ ΝΩΤΩ
ΥΕΤΟΥ ΑΜΦΙΒΑΛΗ ΑΛΕΗΝ: ΚΕΦΑΛΗΦΙ Δ' ΥΠΕΡΘΕΝ
ΠΙΛΟΝ ΕΧΕΙΝ ΑΣΚΗΤΟΝ, ΙΝ' ΟΥΑΤΑ ΜΗ ΚΑΤΑΔΕΥΗ.
ΨΥΧΡΗ ΓΑΡ Τ' ΗΩΣ ΠΕΛΕΤΑΙ ΒΟΡΕΑΟ ΠΕΣΟΝΤΟΣ,
ΗΩΟΣ Δ' ΕΠΙ ΓΑΙΑΝ ΑΠ' ΟΥΡΑΝΟΥ ΑΣΤΕΡΟΕΝΤΟΣ
ΑΗΡ ΠΥΡΟΦΟΡΟΙΣ ΤΕΤΑΤΑΙ ΜΑΚΡΩΝ ΕΠΙ ΕΡΓΟΙΣ,
ΟΣ ΤΕ ΑΡΥΣΣΑΜΕΝΟΣ ΠΟΤΑΜΩΝ ΑΠΟ ΑΙΕΝΑΟΝΤΩΝ,
ΥΨΟΥ ΥΠΕΡ ΓΑΙΗΣ ΑΡΘΕΙΣ ΑΝΕΜΟΙΟ ΘΥΕΛΛΗ,
ΑΛΛΟΤΕ ΜΕΝ Θ' ΥΕΙ ΠΟΤΙ ΕΣΠΕΡΟΝ, ΑΛΛΟΤ' ΑΗΣΙ,
ΠΥΚΝΑ ΘΡΗΙΚΙΟΥ ΒΟΡΕΩ ΝΕΦΕΑ ΚΛΟΝΕΟΝΤΟΣ.
ΤΟΝ ΦΘΑΜΕΝΟΣ ΕΡΓΟΝ ΤΕΛΕΣΑΣ ΟΙΚΟΝΔΕ ΝΕΕΣΘΑΙ,
ΜΗ ΠΟΤΕ Σ' ΟΥΡΑΝΟΘΕΝ ΣΚΟΤΟΕΝ ΝΕΦΟΣ ΑΜΦΙΚΑΛΥΨΗ,
ΧΡΩΤΑ ΔΕ ΜΥΔΑΛΕΟΝ ΘΗΗ ΚΑΤΑ Θ' ΕΙΜΑΤΑ ΔΕΥΣΗ:
ΑΛΛ' ΥΠΑΛΕΥΑΣΘΑΙ: ΜΕΙΣ ΓΑΡ ΧΑΛΕΠΩΤΑΤΟΣ ΟΥΤΟΣ,
ΧΕΙΜΕΡΙΟΣ, ΧΑΛΕΠΟΣ ΠΡΟΒΑΤΟΙΣ, ΧΑΛΕΠΟΣ Δ' ΑΝΘΡΩΠΟΙΣ.
ΤΗΜΟΣ ΤΩΜΙΣΥ ΒΟΥΣΙΝ, ΕΠ' ΑΝΕΡΙ ΔΕ ΠΛΕΟΝ ΕΙΗ
ΑΡΜΑΛΙΗΣ: ΜΑΚΡΑΙ ΓΑΡ ΕΠΙΡΡΟΘΟΙ ΕΥΦΡΟΝΑΙ ΕΙΣΙΝ.
[ΤΑΥΤΑ ΦΥΛΑΣΣΟΜΕΝΟΣ ΤΕΤΕΛΕΣΜΕΝΟΝ ΕΙΣ ΕΝΙΑΥΤΟΝ
ΙΣΟΥΣΘΑΙ ΝΥΚΤΑΣ ΤΕ ΚΑΙ ΗΜΑΤΑ, ΕΙΣ Ο ΚΕΝ ΑΥΤΙΣ
ΓΗ ΠΑΝΤΩΝ ΜΗΤΗΡ ΚΑΡΠΟΝ ΣΥΜΜΙΚΤΟΝ ΕΝΕΙΚΗ.]
ΕΥΤ' ΑΝ Δ' ΕΞΗΚΟΝΤΑ ΜΕΤΑ ΤΡΟΠΑΣ ΗΕΛΙΟΙΟ
ΧΕΙΜΕΡΙ' ΕΚΤΕΛΕΣΗ ΖΕΥΣ ΗΜΑΤΑ, ΔΗ ΡΑ ΤΟΤ' ΑΣΤΗΡ
ΑΡΚΤΟΥΡΟΣ ΠΡΟΛΙΠΩΝ ΙΕΡΩΝ ΡΟΟΝ ΩΚΕΑΝΟΙΟ
ΠΡΩΤΟΝ ΠΑΜΦΑΙΝΩΝ ΕΠΙΤΕΛΛΕΤΑΙ ΑΚΡΟΚΝΕΦΑΙΟΣ.
ΤΟΝ ΔΕ ΜΕΤ' ΟΡΘΟΓΟΗ ΠΑΝΔΙΟΝΙΣ ΩΡΤΟ ΧΕΛΙΔΩΝ
ΕΣ ΦΑΟΣ ΑΝΘΡΩΠΟΙΣ ΕΑΡΟΣ ΝΕΟΝ ΙΣΤΑΜΕΝΟΙΟ:
ΤΗΝ ΦΘΑΜΕΝΟΣ ΟΙΝΑΣ ΠΕΡΙΤΑΜΝΕΜΕΝ: ΩΣ ΓΑΡ ΑΜΕΙΝΟΝ.
ΑΛΛ' ΟΠΟΤ' ΑΝ ΦΕΡΕΟΙΚΟΣ ΑΠΟ ΧΘΟΝΟΣ ΑΜ ΦΥΤΑ ΒΑΙΝΗ
ΠΛΗΙΑΔΑΣ ΦΕΥΓΩΝ, ΤΟΤΕ ΔΗ ΣΚΑΦΟΣ ΟΥΚΕΤΙ ΟΙΝΕΩΝ,
ΑΛΛ' ΑΡΠΑΣ ΤΕ ΧΑΡΑΣΣΕΜΕΝΑΙ ΚΑΙ ΔΜΩΑΣ ΕΓΕΙΡΕΙΝ:
ΦΕΥΓΕΙΝ ΔΕ ΣΚΙΕΡΟΥΣ ΘΩΚΟΥΣ ΚΑΙ ΕΠ' ΗΟΑ ΚΟΙΤΟΝ
ΩΡΗ ΕΝ ΑΜΗΤΟΥ, ΟΤΕ Τ' ΗΕΛΙΟΣ ΧΡΟΑ ΚΑΡΦΕΙ:
ΤΗΜΟΥΤΟΣ ΣΠΕΥΔΕΙΝ ΚΑΙ ΟΙΚΑΔΕ ΚΑΡΠΟΝ ΑΓΙΝΕΙΝ
ΟΡΘΡΟΥ ΑΝΙΣΤΑΜΕΝΟΣ, ΙΝΑ ΤΟΙ ΒΙΟΣ ΑΡΚΙΟΣ ΕΙΗ.
ΗΩΣ ΓΑΡ [Τ'] ΕΡΓΟΙΟ ΤΡΙΤΗΝ ΑΠΟΜΕΙΡΕΤΑΙ ΑΙΣΑΝ,
ΗΩΣ, Η ΤΕ ΦΑΝΕΙΣΑ ΠΟΛΕΑΣ ΕΠΕΒΗΣΕ ΚΕΛΕΥΘΟΥ
ΑΝΘΡΩΠΟΥΣ ΠΟΛΛΟΙΣΙ Τ' ΕΠΙ ΖΥΓΑ ΒΟΥΣΙ ΤΙΘΗΣΙΝ.
ΗΜΟΣ ΔΕ ΣΚΟΛΥΜΟΣ Τ' ΑΝΘΕΙ ΚΑΙ ΗΧΕΤΑ ΤΕΤΤΙΞ
ΔΕΝΔΡΕΩ ΕΦΕΖΟΜΕΝΟΣ ΛΙΓΥΡΗΝ ΚΑΤΑΧΕΥΕΤ' ΑΟΙΔΗΝ
ΠΥΚΝΟΝ ΥΠΟ ΠΤΕΡΥΓΩΝ, ΘΕΡΕΟΣ ΚΑΜΑΤΩΔΕΟΣ ΩΡΗ,
ΤΗΜΟΣ ΠΙΟΤΑΤΑΙ Τ' ΑΙΓΕΣ, ΚΑΙ ΟΙΝΟΣ ΑΡΙΣΤΟΣ,
ΜΑΧΛΟΤΑΤΑΙ ΔΕ ΓΥΝΑΙΚΕΣ, ΑΦΑΥΡΟΤΑΤΟΙ ΔΕ ΤΟΙ ΑΝΔΡΕΣ
ΕΙΣΙΝ, ΕΠΕΙ ΚΕΦΑΛΗΝ ΚΑΙ ΓΟΥΝΑΤΑ ΣΕΙΡΙΟΣ ΑΖΕΙ,
ΑΥΑΛΕΟΣ ΔΕ ΤΕ ΧΡΩΣ ΥΠΟ ΚΑΥΜΑΤΟΣ: ΑΛΛΑ ΤΟΤ' ΗΔΗ
ΕΙΗ ΠΕΤΡΑΙΗ ΤΕ ΣΚΙΗ ΚΑΙ ΒΙΒΛΙΝΟΣ ΟΙΝΟΣ
ΜΑΖΑ Τ' ΑΜΟΛΓΑΙΗ ΓΑΛΑ Τ' ΑΙΓΩΝ ΣΒΕΝΝΥΜΕΝΑΩΝ
ΚΑΙ ΒΟΟΣ ΥΛΟΦΑΓΟΙΟ ΚΡΕΑΣ ΜΗ ΠΩ ΤΕΤΟΚΥΙΗΣ
ΠΡΩΤΟΓΟΝΩΝ Τ' ΕΡΙΦΩΝ: ΕΠΙ Δ' ΑΙΘΟΠΑ ΠΙΝΕΜΕΝ ΟΙΝΟΝ,
ΕΝ ΣΚΙΗ ΕΖΟΜΕΝΟΝ, ΚΕΚΟΡΗΜΕΝΟΝ ΗΤΟΡ ΕΔΩΔΗΣ,
ΑΝΤΙΟΝ ΑΚΡΑΕΟΣ ΖΕΦΥΡΟΥ ΤΡΕΨΑΝΤΑ ΠΡΟΣΩΠΑ:
ΚΡΗΝΗΣ Δ' ΑΕΝΑΟΥ ΚΑΙ ΑΠΟΡΡΥΤΟΥ Η Τ' ΑΘΟΛΩΤΟΣ
ΤΡΙΣ ΥΔΑΤΟΣ ΠΡΟΧΕΕΙΝ, ΤΟ ΔΕ ΤΕΤΡΑΤΟΝ ΙΕΜΕΝ ΟΙΝΟΥ.
ΔΜΩΣΙ Δ' ΕΠΟΤΡΥΝΕΙΝ ΔΗΜΗΤΕΡΟΣ ΙΕΡΟΝ ΑΚΤΗΝ
ΔΙΝΕΜΕΝ, ΕΥΤ' ΑΝ ΠΡΩΤΑ ΦΑΝΗ ΣΘΕΝΟΣ ΩΡΙΩΝΟΣ,
ΧΩΡΩ ΕΝ ΕΥΑΕΙ ΚΑΙ ΕΥΤΡΟΧΑΛΩ ΕΝ ΑΛΩΗ.
ΜΕΤΡΩ Δ' ΕΥ ΚΟΜΙΣΑΣΘΑΙ ΕΝ ΑΓΓΕΣΙΝ: ΑΥΤΑΡ ΕΠΗΝ ΔΗ
ΠΑΝΤΑ ΒΙΟΝ ΚΑΤΑΘΗΑΙ ΕΠΑΡΜΕΝΟΝ ΕΝΔΟΘΙ ΟΙΚΟΥ,
ΘΗΤΑ Τ' ΑΟΙΚΟΝ ΠΟΙΕΙΣΘΑΙ ΚΑΙ ΑΤΕΚΝΟΝ ΕΡΙΘΟΝ
ΔΙΖΗΣΘΑΙ ΚΕΛΟΜΑΙ: ΧΑΛΕΠΗ Δ' ΥΠΟΠΟΡΤΙΣ ΕΡΙΘΟΣ:
ΚΑΙ ΚΥΝΑ ΚΑΡΧΑΡΟΔΟΝΤΑ ΚΟΜΕΙΝ, ΜΗ ΦΕΙΔΕΟ ΣΙΤΟΥ,
ΜΗ ΠΟΤΕ Σ' ΗΜΕΡΟΚΟΙΤΟΣ ΑΝΗΡ ΑΠΟ ΧΡΗΜΑΘ' ΕΛΗΤΑΙ.
ΧΟΡΤΟΝ Δ' ΕΣΚΟΜΙΣΑΙ ΚΑΙ ΣΥΡΦΕΤΟΝ, ΟΦΡΑ ΤΟΙ ΕΙΗ
ΒΟΥΣΙ ΚΑΙ ΗΜΙΟΝΟΙΣΙΝ ΕΠΗΕΤΑΝΟΝ. ΑΥΤΑΡ ΕΠΕΙΤΑ
ΔΜΩΑΣ ΑΝΑΨΥΞΑΙ ΦΙΛΑ ΓΟΥΝΑΤΑ ΚΑΙ ΒΟΕ ΛΥΣΑΙ.
ΕΥΤ' ΑΝ Δ' ΩΡΙΩΝ ΚΑΙ ΣΕΙΡΙΟΣ ΕΣ ΜΕΣΟΝ ΕΛΘΗ
ΟΥΡΑΝΟΝ, ΑΡΚΤΟΥΡΟΝ ΔΕ ΙΔΗ ΡΟΔΟΔΑΚΤΥΛΟΣ ΗΩΣ,
Ω ΠΕΡΣΗ, ΤΟΤΕ ΠΑΝΤΑΣ ΑΠΟΔΡΕΠΕΝ ΟΙΚΑΔΕ ΒΟΤΡΥΣ,
ΔΕΙΞΑΙ Δ' ΗΕΛΙΩ ΔΕΚΑ Τ' ΗΜΑΤΑ ΚΑΙ ΔΕΚΑ ΝΥΚΤΑΣ,
ΠΕΝΤΕ ΔΕ ΣΥΣΚΙΑΣΑΙ, ΕΚΤΩ Δ' ΕΙΣ ΑΓΓΕ' ΑΦΥΣΣΑΙ
ΔΩΡΑ ΔΙΩΝΥΣΟΥ ΠΟΛΥΓΗΘΕΟΣ. ΑΥΤΑΡ ΕΠΗΝ ΔΗ
ΠΛΗΙΑΔΕΣ Θ' ΥΑΔΕΣ ΤΕ ΤΟ ΤΕ ΣΘΕΝΟΣ ΩΡΙΩΝΟΣ
ΔΥΝΩΣΙΝ, ΤΟΤ' ΕΠΕΙΤ' ΑΡΟΤΟΥ ΜΕΜΝΗΜΕΝΟΣ ΕΙΝΑΙ
ΩΡΑΙΟΥ: ΠΛΕΙΩΝ ΔΕ ΚΑΤΑ ΧΘΟΝΟΣ ΑΡΜΕΝΟΣ ΕΙΗ.
|
