|
6
ΕΙ ΔΕ ΣΕ ΝΑΥΤΙΛΙΗΣ ΔΥΣΠΕΜΦΕΛΟΥ ΙΜΕΡΟΣ ΑΙΡΕΙ:
ΕΥΤ' ΑΝ ΠΛΗΙΑΔΕΣ ΣΘΕΝΟΣ ΟΒΡΙΜΟΝ ΩΡΙΩΝΟΣ
ΦΕΥΓΟΥΣΑΙ ΠΙΠΤΩΣΙΝ ΕΣ ΗΕΡΟΕΙΔΕΑ ΠΟΝΤΟΝ,
ΔΕ ΤΟΤΕ ΠΑΝΤΟΙΩΝ ΑΝΕΜΩΝ ΘΥΙΟΥΣΙΝ ΑΗΤΑΙ:
ΚΑΙ ΤΟΤΕ ΜΗΚΕΤΙ ΝΗΑ ΕΧΕΙΝ ΕΝΙ ΟΙΝΟΠΙ ΠΟΝΤΩ,
ΓΗΝ Δ' ΕΡΓΑΖΕΣΘΑΙ ΜΕΜΝΗΜΕΝΟΣ ΩΣ ΣΕ ΚΕΛΕΥΩ:
ΝΗΑ Δ' ΕΠ' ΗΠΕΙΡΟΥ ΕΡΥΣΑΙ ΠΥΚΑΣΑΙ ΤΕ ΛΙΘΟΙΣΙ
ΠΑΝΤΟΘΕΝ, ΟΦΡ' ΙΣΧΩΣ' ΑΝΕΜΩΝ ΜΕΝΟΣ ΥΓΡΟΝ ΑΕΝΤΩΝ,
ΧΕΙΜΑΡΟΝ ΕΞΕΡΥΣΑΣ, ΙΝΑ ΜΗ ΠΥΘΗ ΔΙΟΣ ΟΜΒΡΟΣ.
ΟΠΛΑ Δ' ΕΠΑΡΜΕΝΑ ΠΑΝΤΑ ΤΕΩ ΕΓΚΑΤΘΕΟ ΟΙΚΩ,
ΕΥΚΟΣΜΩΣ ΣΤΟΛΙΣΑΣ ΝΗΟΣ ΠΤΕΡΑ ΠΟΝΤΟΠΟΡΟΙΟ:
ΠΗΔΑΛΙΟΝ Δ' ΕΥΕΡΓΕΣ ΥΠΕΡ ΚΑΠΝΟΥ ΚΡΕΜΑΣΑΣΘΑΙ.
ΑΥΤΟΣ Δ' ΩΡΑΙΟΝ ΜΙΜΝΕΙΝ ΠΛΟΟΝ ΕΙΣ Ο ΚΕΝ ΕΛΘΗ:
ΚΑΙ ΤΟΤΕ ΝΗΑ ΘΟΗΝ ΑΛΑΔ' ΕΛΚΕΜΕΝ, ΕΝ ΔΕ ΤΕ ΦΟΡΤΟΝ
ΑΡΜΕΝΟΝ ΕΝΤΥΝΑΣΘΑΙ, ΙΝ' ΟΙΚΑΔΕ ΚΕΡΔΟΣ ΑΡΗΑΙ,
ΩΣ ΠΕΡ ΕΜΟΣ ΤΕ ΠΑΤΗΡ ΚΑΙ ΣΟΣ, ΜΕΓΑ ΝΗΠΙΕ ΠΕΡΣΗ,
ΠΛΩΙΖΕΣΚ' ΕΝ ΝΗΥΣΙ, ΒΙΟΥ ΚΕΧΡΗΜΕΝΟΣ ΕΣΘΛΟΥ:
ΟΣ ΠΟΤΕ ΚΑΙ ΤΕΙΔ' ΗΛΘΕ ΠΟΛΥΝ ΔΙΑ ΠΟΝΤΟΝ ΑΝΥΣΣΑΣ,
ΚΥΜΗΝ ΑΙΟΛΙΔΑ ΠΡΟΛΙΠΩΝ ΕΝ ΝΗΙ ΜΕΛΑΙΝΗ,
ΟΥΚ ΑΦΕΝΟΣ ΦΕΥΓΩΝ ΟΥΔΕ ΠΛΟΥΤΟΝ ΤΕ ΚΑΙ ΟΛΒΟΝ,
ΑΛΛΑ ΚΑΚΗΝ ΠΕΝΙΗΝ, ΤΗΝ ΖΕΥΣ ΑΝΔΡΕΣΣΙ ΔΙΔΩΣΙΝ.
ΝΑΣΣΑΤΟ Δ' ΑΓΧ' ΕΛΙΚΩΝΟΣ ΟΙΖΥΡΗ ΕΝΙ ΚΩΜΗ,
ΑΣΚΡΗ, ΧΕΙΜΑ ΚΑΚΗ, ΘΕΡΕΙ ΑΡΓΑΛΕΗ, ΟΥΔΕ ΠΟΤ' ΕΣΘΛΗ.
ΤΥΝΗ Δ', Ω ΠΕΡΣΗ, ΕΡΓΩΝ ΜΕΜΝΗΜΕΝΟΣ ΕΙΝΑΙ
ΩΡΑΙΩΝ ΠΑΝΤΩΝ, ΠΕΡΙ ΝΑΥΤΙΛΙΗΣ ΔΕ ΜΑΛΙΣΤΑ.
ΝΗ ΟΛΙΓΗΝ ΑΙΝΕΙΝ, ΜΕΓΑΛΗ Δ' ΕΝΙ ΦΟΡΤΙΑ ΘΕΣΘΑΙ:
ΜΕΙΖΩΝ ΜΕΝ ΦΟΡΤΟΣ, ΜΕΙΖΟΝ Δ' ΕΠΙ ΚΕΡΔΕΪ ΚΕΡΔΟΣ
ΕΣΣΕΤΑΙ, ΕΙ Κ' ΑΝΕΜΟΙ ΓΕ ΚΑΚΑΣ ΑΠΕΧΩΣΙΝ ΑΗΤΑΣ.
ΕΥΤ' ΑΝ ΕΠ' ΕΜΠΟΡΙΗΝ ΤΡΕΨΑΣ ΑΕΣΙΦΡΟΝΑ ΘΥΜΟΝ
ΒΟΥΛΗΑΙ [ΔΕ] ΧΡΕΑ ΤΕ ΠΡΟΦΥΓΕΙΝ ΚΑΙ ΛΙΜΟΝ ΑΤΕΡΠΕΑ,
ΔΕΙΞΩ ΔΗ ΤΟΙ ΜΕΤΡΑ ΠΟΛΥΦΛΟΙΣΒΟΙΟ ΘΑΛΑΣΣΗΣ,
ΟΥΤΕ ΤΙ ΝΑΥΤΙΛΙΗΣ ΣΕΣΟΦΙΣΜΕΝΟΣ ΟΥΤΕ ΤΙ ΝΗΩΝ.
ΟΥ ΓΑΡ ΠΩ ΠΟΤΕ ΝΗΙ [Γ'] ΕΠΕΠΛΕΩΝ ΕΥΡΕΑ ΠΟΝΤΟΝ,
ΕΙ ΜΗ ΕΣ ΕΥΒΟΙΑΝ ΕΞ ΑΥΛΙΔΟΣ, Η ΠΟΤ' ΑΧΑΙΟΙ
ΜΕΙΝΑΝΤΕΣ ΧΕΙΜΩΝΑ ΠΟΛΥΝ ΣΥΝ ΛΑΟΝ ΑΓΕΙΡΑΝ
ΕΛΛΑΔΟΣ ΕΞ ΙΕΡΗΣ ΤΡΟΙΗΝ ΕΣ ΚΑΛΛΙΓΥΝΑΙΚΑ.
ΕΝΘΑ Δ' ΕΓΩΝ ΕΠ' ΑΕΘΛΑ ΔΑΪΦΡΟΝΟΣ ΑΜΦΙΔΑΜΑΝΤΟΣ
ΧΑΛΚΙΔΑ [Τ'] ΕΙΣΕΠΕΡΗΣΑ: ΤΑ ΔΕ ΠΡΟΠΕΦΡΑΔΜΕΝΑ ΠΟΛΛΑ
ΑΕΘΛ' ΕΘΕΣΑΝ ΠΑΙΔΕΣ ΜΕΓΑΛΗΤΟΡΕΣ: ΕΝΘΑ ΜΕ ΦΗΜΙ
ΥΜΝΩ ΝΙΚΗΣΑΝΤΑ ΦΕΡΕΙΝ ΤΡΙΠΟΔ' ΩΤΩΕΝΤΑ.
ΤΟΝ ΜΕΝ ΕΓΩ ΜΟΥΣΗΣ' ΕΛΙΚΩΝΙΑΔΕΣΣ' ΑΝΕΘΗΚΑ
ΕΝΘΑ ΜΕ ΤΟ ΠΡΩΤΟΝ ΛΙΓΥΡΗΣ ΕΠΕΒΗΣΑΝ ΑΟΙΔΗΣ.
ΤΟΣΣΟΝ ΤΟΙ ΝΗΩΝ ΓΕ ΠΕΠΕΙΡΗΜΑΙ ΠΟΛΥΓΟΜΦΩΝ:
ΑΛΛΑ ΚΑΙ ΩΣ ΕΡΕΩ ΖΗΝΟΣ ΝΟΟΝ ΑΙΓΙΟΧΟΙΟ:
ΜΟΥΣΑΙ ΓΑΡ Μ' ΕΔΙΔΑΞΑΝ ΑΘΕΣΦΑΤΟΝ ΥΜΝΟΝ ΑΕΙΔΕΙΝ.
ΗΜΑΤΑ ΠΕΝΤΗΚΟΝΤΑ ΜΕΤΑ ΤΡΟΠΑΣ ΗΕΛΙΟΙΟ,
ΕΣ ΤΕΛΟΣ ΕΛΘΟΝΤΟΣ ΘΕΡΕΟΣ, ΚΑΜΑΤΩΔΕΟΣ ΩΡΗΣ,
ΩΡΑΙΟΣ ΠΕΛΕΤΑΙ ΘΝΗΤΟΙΣ ΠΛΟΟΣ: ΟΥΤΕ ΚΕ ΝΗΑ
ΚΑΥΑΞΑΙΣ ΟΥΤ' ΑΝΔΡΑΣ ΑΠΟΦΘΕΙΣΕΙΕ ΘΑΛΑΣΣΑ,
ΕΙ ΔΗ ΜΗ ΠΡΟΦΡΩΝ ΓΕ ΠΟΣΕΙΔΑΩΝ ΕΝΟΣΙΧΘΩΝ
Η ΖΕΥΣ ΑΘΑΝΑΤΩΝ ΒΑΣΙΛΕΥΣ ΕΘΕΛΗΣΙΝ ΟΛΕΣΣΑΙ:
ΕΝ ΤΟΙΣ ΓΑΡ ΤΕΛΟΣ ΕΣΤΙΝ ΟΜΩΣ ΑΓΑΘΩΝ ΤΕ ΚΑΚΩΝ ΤΕ.
ΤΗΜΟΣ Δ' ΕΥΚΡΙΝΕΕΣ Τ' ΑΥΡΑΙ ΚΑΙ ΠΟΝΤΟΣ ΑΠΗΜΩΝ:
ΕΥΚΗΛΟΣ ΤΟΤΕ ΝΗΑ ΘΟΗΝ ΑΝΕΜΟΙΣΙ ΠΙΘΗΣΑΣ
ΕΛΚΕΜΕΝ ΕΣ ΠΟΝΤΟΝ ΦΟΡΤΟΝ Τ' ΕΣ ΠΑΝΤΑ ΤΙΘΕΣΘΑΙ:
ΣΠΕΥΔΕΙΝ Δ' ΟΤΤΙ ΤΑΧΙΣΤΑ ΠΑΛΙΝ ΟΙΚΟΝΔΕ ΝΕΕΣΘΑΙ
ΜΗΔΕ ΜΕΝΕΙΝ ΟΙΝΟΝ ΤΕ ΝΕΟΝ ΚΑΙ ΟΠΩΡΙΝΟΝ ΟΜΒΡΟΝ
ΚΑΙ ΧΕΙΜΩΝ' ΕΠΙΟΝΤΑ ΝΟΤΟΙΟ ΤΕ ΔΕΙΝΑΣ ΑΗΤΑΣ,
ΟΣ Τ' ΩΡΙΝΕ ΘΑΛΑΣΣΑΝ ΟΜΑΡΤΗΣΑΣ ΔΙΟΣ ΟΜΒΡΩ
ΠΟΛΛΩ ΟΠΩΡΙΝΩ, ΧΑΛΕΠΟΝ ΔΕ ΤΕ ΠΟΝΤΟΝ ΕΘΗΚΕΝ.
ΑΛΛΟΣ Δ' ΕΙΑΡΙΝΟΣ ΠΕΛΕΤΑΙ ΠΛΟΟΣ ΑΝΘΡΩΠΟΙΣΙΝ:
ΗΜΟΣ ΔΗ ΤΟ ΠΡΩΤΟΝ, ΟΣΟΝ Τ' ΕΠΙΒΑΣΑ ΚΟΡΩΝΗ
ΙΧΝΟΣ ΕΠΟΙΗΣΕΝ, ΤΟΣΣΟΝ ΠΕΤΑΛ' ΑΝΔΡΙ ΦΑΝΗΗ
ΕΝ ΚΡΑΔΗ ΑΚΡΟΤΑΤΗ, ΤΟΤΕ Δ' ΑΜΒΑΤΟΣ ΕΣΤΙ ΘΑΛΑΣΣΑ:
ΕΙΑΡΙΝΟΣ Δ' ΟΥΤΟΣ ΠΕΛΕΤΑΙ ΠΛΟΟΣ: ΟΥ ΜΙΝ ΕΓΩΓΕ
ΑΙΝΗΜ', ΟΥ ΓΑΡ ΕΜΩ ΘΥΜΩ ΚΕΧΑΡΙΣΜΕΝΟΣ ΕΣΤΙΝ:
ΑΡΠΑΚΤΟΣ: ΧΑΛΕΠΩΣ ΚΕ ΦΥΓΟΙΣ ΚΑΚΟΝ: ΑΛΛΑ ΝΥ ΚΑΙ ΤΑ
ΑΝΘΡΩΠΟΙ ΡΕΖΟΥΣΙΝ ΑΙΔΡΕΙΗΣΙ ΝΟΟΙΟ:
ΧΡΗΜΑΤΑ ΓΑΡ ΨΥΧΗ ΠΕΛΕΤΑΙ ΔΕΙΛΟΙΣΙ ΒΡΟΤΟΙΣΙΝ.
ΔΕΙΝΟΝ Δ' ΕΣΤΙ ΘΑΝΕΙΝ ΜΕΤΑ ΚΥΜΑΣΙΝ: ΑΛΛΑ Σ' ΑΝΩΓΑ
ΦΡΑΖΕΣΘΑΙ ΤΑΔΕ ΠΑΝΤΑ ΜΕΤΑ ΦΡΕΣΙΝ ΩΣ ΑΓΟΡΕΥΩ.
ΜΗΔ' ΕΝ ΝΗΥΣΙΝ ΑΠΑΝΤΑ ΒΙΟΝ ΚΟΙΛΗΣΙ ΤΙΘΕΣΘΑΙ,
ΑΛΛΑ ΠΛΕΩ ΛΕΙΠΕΙΝ, ΤΑ ΔΕ ΜΕΙΟΝΑ ΦΟΡΤΙΖΕΣΘΑΙ:
ΔΕΙΝΟΝ ΓΑΡ ΠΟΝΤΟΥ ΜΕΤΑ ΚΥΜΑΣΙ ΠΗΜΑΤΙ ΚΥΡΣΑΙ:
ΔΕΙΝΟΝ Δ' ΕΙ Κ' ΕΠ' ΑΜΑΞΑΝ ΥΠΕΡΒΙΟΝ ΑΧΘΟΣ ΑΕΙΡΑΣ
ΑΞΟΝΑ ΚΑΥΑΞΑΙΣ ΚΑΙ ΦΟΡΤΙΑ ΜΑΥΡΩΘΕΙΗ.
ΜΕΤΡΑ ΦΥΛΑΣΣΕΣΘΑΙ: ΚΑΙΡΟΣ Δ' ΕΠΙ ΠΑΣΙΝ ΑΡΙΣΤΟΣ.
6
ΩΡΑΙΟΣ ΔΕ ΓΥΝΑΙΚΑ ΤΕΟΝ ΠΟΤΙ ΟΙΚΟΝ ΑΓΕΣΘΑΙ,
ΜΗΤΕ ΤΡΙΗΚΟΝΤΩΝ ΕΤΕΩΝ ΜΑΛΑ ΠΟΛΛ' ΑΠΟΛΕΙΠΩΝ
ΜΗΤ' ΕΠΙΘΕΙΣ ΜΑΛΑ ΠΟΛΛΑ: ΓΑΜΟΣ ΔΕ ΤΟΙ ΩΡΙΟΣ ΟΥΤΟΣ:
Η ΔΕ ΓΥΝΗ ΤΕΤΟΡ' ΗΒΩΟΙ, ΠΕΜΠΤΩ ΔΕ ΓΑΜΟΙΤΟ.
ΠΑΡΘΕΝΙΚΗΝ ΔΕ ΓΑΜΕΙΝ, ΩΣ Κ' ΗΘΕΑ ΚΕΔΝΑ ΔΙΔΑΞΗΣ,
[ΤΗΝ ΔΕ ΜΑΛΙΣΤΑ ΓΑΜΕΙΝ, ΗΤΙΣ ΣΕΘΕΝ ΕΓΓΥΘΙ ΝΑΙΕΙ]
ΠΑΝΤΑ ΜΑΛ' ΑΜΦΙΣ ΙΔΩΝ, ΜΗ ΓΕΙΤΟΣΙ ΧΑΡΜΑΤΑ ΓΗΜΗΣ.
ΟΥ ΜΕΝ ΓΑΡ ΤΙ ΓΥΝΑΙΚΟΣ ΑΝΗΡ ΛΗΙΖΕΤ' ΑΜΕΙΝΟΝ
ΤΗΣ ΑΓΑΘΗΣ, ΤΗΣ Δ' ΑΥΤΕ ΚΑΚΗΣ ΟΥ ΡΙΓΙΟΝ ΑΛΛΟ,
ΔΕΙΠΝΟΛΟΧΗΣ, Η Τ' ΑΝΔΡΑ ΚΑΙ ΙΦΘΙΜΟΝ ΠΕΡ ΕΟΝΤΑ
ΕΥΕΙ ΑΤΕΡ ΔΑΛΟΙΟ ΚΑΙ ΩΜΩ ΓΗΡΑΙ ΔΩΚΕΝ.
[ΕΥ Δ' ΟΠΙΝ ΑΘΑΝΑΤΩΝ ΜΑΚΑΡΩΝ ΠΕΦΥΛΑΓΜΕΝΟΣ ΕΙΝΑΙ.]
ΜΗ ΔΕ ΚΑΣΙΓΝΗΤΩ ΙΣΟΝ ΠΟΙΕΙΣΘΑΙ ΕΤΑΙΡΟΝ:
ΕΙ ΔΕ ΚΕ ΠΟΙΗΣΗΣ, ΜΗ ΜΙΝ ΠΡΟΤΕΡΟΣ ΚΑΚΟΝ ΕΡΞΑΙ
ΜΗΔΕ ΨΕΥΔΕΣΘΑΙ ΓΛΩΣΣΗΣ ΧΑΡΙΝ: ΕΙ ΔΕ ΣΕ Γ' ΑΡΧΗ
Η ΤΙ ΕΠΟΣ ΕΙΠΩΝ ΑΠΟΘΥΜΙΟΝ ΗΕ ΚΑΙ ΕΡΞΑΣ,
ΔΙΣ ΤΟΣΑ ΤΕΙΝΥΣΘΑΙ ΜΕΜΝΗΜΕΝΟΣ: ΕΙ ΔΕ ΚΕΝ ΑΥΤΙΣ
ΗΓΗΤ' ΕΣ ΦΙΛΟΤΗΤΑ, ΔΙΚΗΝ Δ' ΕΘΕΛ
ΗΓΗΤ' ΕΣ ΦΙΛΟΤΗΤΑ, ΔΙΚΗΝ Δ' ΕΘΕΛΗΣΙ ΠΑΡΑΣΧΕΙΝ,
ΔΕΞΑΣΘΑΙ: ΔΕΙΛΟΣ ΤΟΙ ΑΝΗΡ ΦΙΛΟΝ ΑΛΛΟΤΕ ΑΛΛΟΝ
ΠΟΙΕΙΤΑΙ: ΣΕ ΔΕ ΜΗ ΤΙ ΝΟΟΣ ΚΑΤΑΛΕΓΧΕΤΩ ΕΙΔΟΣ.
ΜΗΔΕ ΠΟΛΥΞΕΙΝΟΝ ΜΗΔ' ΑΞΕΙΝΟΝ ΚΑΛΕΕΣΘΑΙ,
ΜΗΔΕ ΚΑΚΩΝ ΕΤΑΡΟΝ ΜΗΔ' ΕΣΘΛΩΝ ΝΕΙΚΕΣΤΗΡΑ.
ΜΗΔΕ ΠΟΤ' ΟΥΛΟΜΕΝΗΝ ΠΕΝΙΗΝ ΘΥΜΟΦΘΟΡΟΝ ΑΝΔΡΙ
ΤΕΤΛΑΘ' ΟΝΕΙΔΙΖΕΙΝ, ΜΑΚΑΡΩΝ ΔΟΣΙΝ ΑΙΕΝ ΕΟΝΤΩΝ.
ΓΛΩΣΣΗΣ ΤΟΙ ΘΗΣΑΥΡΟΣ ΕΝ ΑΝΘΡΩΠΟΙΣΙΝ ΑΡΙΣΤΟΣ
ΦΕΙΔΩΛΗΣ, ΠΛΕΙΣΤΗ ΔΕ ΧΑΡΙΣ ΚΑΤΑ ΜΕΤΡΟΝ ΙΟΥΣΗΣ:
ΕΙ ΔΕ ΚΑΚΟΝ ΕΙΠΟΙΣ, ΤΑΧΑ Κ' ΑΥΤΟΣ ΜΕΙΖΟΝ ΑΚΟΥΣΑΙΣ.
ΜΗΔΕ ΠΟΛΥΞΕΙΝΟΥ ΔΑΙΤΟΣ ΔΥΣΠΕΜΦΕΛΟΣ ΕΙΝΑΙ:
ΕΚ ΚΟΙΝΟΥ ΠΛΕΙΣΤΗ ΤΕ ΧΑΡΙΣ ΔΑΠΑΝΗ Τ' ΟΛΙΓΙΣΤΗ.
[ΜΗΔΕ ΠΟΤ' ΕΞ ΗΟΥΣ ΔΙΙ ΛΕΙΒΕΙΝ ΑΙΘΟΠΑ ΟΙΝΟΝ
ΧΕΡΣΙΝ ΑΝΙΠΤΟΙΣΙΝ ΜΗΔ' ΑΛΛΟΙΣ ΑΘΑΝΑΤΟΙΣΙΝ:
ΟΥ ΓΑΡ ΤΟΙ ΓΕ ΚΛΥΟΥΣΙΝ, ΑΠΟΠΤΥΟΥΣΙ ΔΕ Τ' ΑΡΑΣ.
ΜΗΔ' ΑΝΤ' ΗΕΛΙΟΥ ΤΕΤΡΑΜΜΕΝΟΣ ΟΡΘΟΣ ΟΜΙΧΕΙΝ,
ΑΥΤΑΡ ΕΠΕΙ ΚΕ ΔΥΗ, ΜΕΜΝΗΜΕΝΟΣ, ΕΣ Τ' ΑΝΙΟΝΤΑ,
ΜΗ Δ' ΑΠΟΓΥΜΝΩΘΕΙΣ: ΜΑΚΑΡΩΝ ΤΟΙ ΝΥΚΤΕΣ ΕΑΣΙΝ.
ΜΗΤ' ΕΝ ΟΔΩ ΜΗΤ' ΕΚΤΟΣ ΟΔΟΥ ΠΡΟΒΑΔΗΝ ΟΥΡΗΣΗΣ:
ΕΖΟΜΕΝΟΣ Δ' Ο ΓΕ ΘΕΙΟΣ ΑΝΗΡ, ΠΕΠΝΥΜΕΝΑ ΕΙΔΩΣ,
Η Ο ΓΕ ΠΡΟΣ ΤΟΙΧΟΝ ΠΕΛΑΣΑΣ ΕΥΕΡΚΕΟΣ ΑΥΛΗΣ.
ΜΗΔ' ΑΙΔΟΙΑ ΓΟΠΝΗ ΠΕΠΑΛΑΓΜΕΝΟΣ ΕΝΔΟΘΙ ΟΙΚΟΥ
ΙΣΤΙΗ ΕΜΠΕΛΑΔΟΝ ΠΑΡΑΦΑΙΝΕΜΕΝ, ΑΛΛ' ΑΛΕΑΣΘΑΙ.
ΜΗΔ' ΑΠΟ ΔΥΣΦΗΜΟΙΟ ΤΑΦΟΥ ΑΠΟΝΟΣΤΗΣΑΝΤΑ
ΣΠΕΡΜΑΙΝΕΙΝ ΓΕΝΕΗΝ, ΑΛΛ' ΑΘΑΝΑΤΩΝ ΑΠΟ ΔΑΙΤΟΣ.
ΜΗΔ' ΕΠΙ ΚΡΗΝΑΩΝ ΟΥΡΕΙΝ, ΜΑΛΑ Δ' ΕΞΑΛΕΑΣΘΑΙ.
ΜΗΔΕ ΠΟΤ' ΑΕΝΑΩΝ ΠΟΤΑΜΩΝ ΚΑΛΛΙΡΡΟΟΝ ΥΔΩΡ
ΠΟΣΣΙ ΠΕΡΑΝ ΠΡΙΝ Γ' ΕΥΞΗ ΙΔΩΝ ΕΣ ΚΑΛΑ ΡΕΕΘΡΑ
ΧΕΙΡΑΣ ΝΙΨΑΜΕΝΟΣ ΠΟΛΥΗΡΑΤΩ ΥΔΑΤΙ ΛΕΥΚΩ.
ΟΣ ΠΟΤΑΜΟΝ ΔΙΑΒΗ ΚΑΚΟΤΗΤ' ΙΔΕ ΧΕΙΡΑΣ ΑΝΙΠΤΟΣ,
ΤΩ ΔΕ ΘΕΟΙ ΝΕΜΕΣΩΣΙ ΚΑΙ ΑΛΓΕΑ ΔΩΚΑΝ ΟΠΙΣΣΩ.
ΜΗΔ' ΑΠΟ ΠΕΝΤΟΖΟΙΟ ΘΕΩΝ ΕΝ ΔΑΙΤΙ ΘΑΛΕΙΗ
ΑΥΟΝ ΑΠΟ ΧΛΩΡΟΥ ΤΑΜΝΕΙΝ ΑΙΘΩΝΙ ΣΙΔΗΡΩ.
ΜΗΔΕ ΠΟΤ' ΟΙΝΟΧΟΗΝ ΤΙΘΕΜΕΝ ΚΡΗΤΗΡΟΣ ΥΠΕΡΘΕΝ
ΠΙΝΟΝΤΩΝ: ΟΛΟΗ ΓΑΡ ΕΠ' ΑΥΤΩ ΜΟΙΡΑ ΤΕΤΥΚΤΑΙ.
ΜΗΔΕ ΔΟΜΟΝ ΠΟΙΩΝ ΑΝΕΠΙΞΕΣΤΟΝ ΚΑΤΑΛΕΙΠΕΙΝ,
ΜΗ ΤΟΙ ΕΦΕΖΟΜΕΝΗ ΚΡΩΞΗ ΛΑΚΕΡΥΖΑ ΚΟΡΩΝΗ.
ΜΗΔ' ΑΠΟ ΧΥΤΡΟΠΟΔΩΝ ΑΝΕΠΙΡΡΕΚΤΩΝ ΑΝΕΛΟΝΤΑ
ΕΣΘΕΙΝ ΜΗΔΕ ΛΟΕΣΘΑΙ: ΕΠΕΙ ΚΑΙ ΤΟΙΣ ΕΠΙ ΠΟΙΝΗ.
ΜΗΔ' ΕΠ' ΑΚΙΝΗΤΟΙΣΙ ΚΑΘΙΖΕΙΝ, ΟΥ ΓΑΡ ΑΜΕΙΝΟΝ,
ΠΑΙΔΑ ΔΥΩΔΕΚΑΤΑΙΟΝ, Ο Τ' ΑΝΕΡ' ΑΝΗΝΟΡΑ ΠΟΙΕΙ,
ΜΗΔΕ ΔΥΩΔΕΚΑΜΗΝΟΝ: ΙΣΟΝ ΚΑΙ ΤΟΥΤΟ ΤΕΤΥΚΤΑΙ.
ΜΗΔΕ ΓΥΝΑΙΚΕΙΩ ΛΟΥΤΡΩ ΧΡΟΑ ΦΑΙΔΡΥΝΕΣΘΑΙ
ΑΝΕΡΑ: ΛΕΥΓΑΛΕΗ ΓΑΡ ΕΠΙ ΧΡΟΝΟΝ ΕΣΤ' ΕΠΙ ΚΑΙ ΤΩ
ΠΟΙΝΗ. ΜΗΔ' ΙΕΡΟΙΣΙΝ ΕΠ' ΑΙΘΟΜΕΝΟΙΣΙ ΚΥΡΗΣΑΣ
ΜΩΜΕΥΕΙΝ ΑΙΔΗΛΑ: ΘΕΟΣ ΝΥ ΤΙ ΚΑΙ ΤΑ ΝΕΜΕΣΣΑ.
ΜΗΔΕ ΠΟΤ' ΕΝ ΠΡΟΧΟΗΣ ΠΟΤΑΜΩΝ ΑΛΑΔΕ ΠΡΟΡΕΟΝΤΩΝ
ΜΗΔ' ΕΠΙ ΚΡΗΝΑΩΝ ΟΥΡΕΙΝ, ΜΑΛΑ Δ' ΕΞΑΛΕΑΣΘΑΙ:
ΜΗΔ' ΕΝΑΠΟΨΥΧΕΙΝ: ΤΟ ΓΑΡ ΟΥ ΤΟΙ ΛΩΙΟΝ ΕΣΤΙΝ.]
ΩΔ' ΕΡΔΕΙΝ: ΔΕΙΝΗΝ ΔΕ ΒΡΟΤΩΝ ΥΠΑΛΕΥΕΟ ΦΗΜΗΝ:
ΦΗΜΗ ΓΑΡ ΤΕ ΚΑΚΗ ΠΕΛΕΤΑΙ ΚΟΥΦΗ ΜΕΝ ΑΕΙΡΑΙ
ΡΕΙΑ ΜΑΛ' ΑΡΓΑΛΕΗ ΔΕ ΦΕΡΕΙΝ, ΧΑΛΕΠΗΝ Δ' ΑΠΟΘΕΣΘΑΙ.
ΦΗΜΗ Δ' ΟΥ ΤΙΣ ΠΑΜΠΑΝ ΑΠΟΛΛΥΤΑΙ, ΗΝΤΙΝΑ ΠΟΛΛΟΙ
ΛΑΟΙ ΦΗΜΙΞΟΥΣΙ: ΘΕΟΣ ΝΥ ΤΙΣ ΕΣΤΙ ΚΑΙ ΑΥΤΗ.
6 [ΗΜΑΤΑ Δ' ΕΚ ΔΙΟΘΕΝ ΠΕΦΥΛΑΓΜΕΝΟΣ ΕΥ ΚΑΤΑ ΜΟΙΡΑΝ
ΠΕΦΡΑΔΕΜΕΝ ΔΜΩΕΣΣΙ ΤΡΙΗΚΑΔΑ ΜΗΝΟΣ ΑΡΙΣΤΗΝ
ΕΡΓΑ Τ' ΕΠΟΠΤΕΥΕΙΝ ΗΔ' ΑΡΜΑΛΙΗΝ ΔΑΤΕΑΣΘΑΙ.
ΑΙΔΕ ΓΑΡ ΗΜΕΡΑΙ ΕΙΣΙ ΔΙΟΣ ΠΑΡΑ ΜΗΤΙΟΕΝΤΟΣ,
ΕΥΤ' ΑΝ ΑΛΗΘΕΙΗΝ ΛΑΟΙ ΚΡΙΝΟΝΤΕΣ ΑΓΩΣΙΝ:
ΠΡΩΤΟΝ ΕΝΗ ΤΕΤΡΑΣ ΤΕ ΚΑΙ ΕΒΔΟΜΗ ΙΕΡΟΝ ΗΜΑΡ:
ΤΗ ΓΑΡ ΑΠΟΛΛΩΝΑ ΧΡΥΣΑΟΡΑ ΓΕΙΝΑΤΟ ΛΗΤΩ:
ΟΓΔΟΑΤΗ Δ' ΕΝΑΤΗ ΤΕ ΔΥΩ ΓΕ ΜΕΝ ΗΜΑΤΑ ΜΗΝΟΣ
ΕΞΟΧ' ΑΕΞΟΜΕΝΟΙΟ ΒΡΟΤΗΣΙΑ ΕΡΓΑ ΠΕΝΕΣΘΑΙ:
ΕΝΔΕΚΑΤΗ ΔΕ ΔΥΩΚΕΚΑΤΗ Τ' ΑΜΦΩ ΓΕ ΜΕΝ ΕΣΘΛΑΙ
ΗΜΕΝ ΟΙΣ ΠΕΙΚΕΙΝ ΗΔ' ΕΥΦΡΟΝΑ ΚΑΡΠΟΝ ΑΜΑΣΘΑΙ:
Η ΔΕ ΔΥΩΔΕΚΑΤΗ ΤΗΣ ΕΝΔΕΚΑΤΗΣ ΜΕΓ' ΑΜΕΙΝΩΝ:
ΤΗ ΓΑΡ ΤΟΙ ΝΕΙ ΝΗΜΑΤ' ΑΕΡΣΙΠΟΤΗΤΟΣ ΑΡΑΧΝΗΣ
ΗΜΑΤΟΣ ΕΚ ΠΛΕΙΟΥ, ΟΤΕ Τ' ΙΔΡΙΣ ΣΩΡΟΝ ΑΜΑΤΑΙ:
ΤΗ Δ' ΙΣΤΟΝ ΣΤΗΣΑΙΤΟ ΓΥΝΗ ΠΡΟΒΑΛΟΙΤΟ ΤΕ ΕΡΓΟΝ.
ΜΗΝΟΣ Δ' ΙΣΤΑΜΕΝΟΥ ΤΡΕΙΣΚΑΙΔΕΚΑΤΗΝ ΑΛΕΑΣΘΑΙ
ΣΠΕΡΜΑΤΟΣ ΑΡΞΑΤΑΙ: ΦΥΤΑ Δ' ΕΝΘΡΕΨΑΣΘΑΙ ΑΡΙΣΤΗ.
ΕΚΤΗ Δ' Η ΜΕΣΣΗ ΜΑΛ' ΑΣΥΜΦΟΡΟΣ ΕΣΤΙ ΦΥΤΟΙΣΙΝ,
ΑΝΔΡΟΓΟΝΟΣ Δ' ΑΓΑΘΗ: ΚΟΥΡΗ Δ' ΟΥ ΣΥΜΦΟΡΟΣ ΕΣΤΙΝ
ΟΥΤΕ ΓΕΝΕΣΘΑΙ ΠΡΩΤ' ΟΥΤ' ΑΡ ΓΑΜΟΥ ΑΝΤΙΒΟΛΗΣΑΙ.
ΟΥΔΕ ΜΕΝ Η ΠΡΩΤΗ ΕΚΤΗ ΚΟΥΡΗ ΓΕ ΓΕΝΕΣΘΑΙ
ΑΡΜΕΝΟΣ, ΑΛΛ' ΕΡΙΦΟΥΣ ΤΑΜΝΕΙΝ ΚΑΙ ΠΩΕΑ ΜΗΛΩΝ,
ΣΗΚΟΝ Τ' ΑΜΦΙΒΑΛΕΙΝ ΠΟΙΜΝΗΙΟΝ ΗΠΙΟΝ ΗΜΑΡ:
ΕΣΘΛΗ Τ' ΑΝΔΡΟΓΟΝΟΣ: ΦΙΛΕΟΙ Δ' Ο ΓΕ ΚΕΡΤΟΜΑ ΒΑΖΕΙΝ
ΨΕΥΔΕΑ Θ' ΑΙΜΥΛΙΟΥΣ ΤΕ ΛΟΓΟΥΣ ΚΡΥΦΙΟΥΣ Τ' ΟΑΡΙΣΜΟΥΣ.
ΜΗΝΟΣ Δ' ΟΓΔΟΑΤΗ ΚΑΠΡΟΝ ΚΑΙ ΒΟΥΝ ΕΡΙΜΥΚΟΝ
ΤΕΜΝΕΜΕΝ, ΟΥΡΗΑΣ ΔΕ ΔΥΩΔΕΚΑΤΗ ΤΑΛΑΕΡΓΟΥΣ.
ΕΙΚΑΔΙ Δ' ΕΝ ΜΕΓΑΛΗ, ΠΛΕΩ ΗΜΑΤΙ, ΙΣΤΟΡΑ ΦΩΤΑ
ΓΕΙΝΑΣΘΑΙ: ΜΑΛΑ ΓΑΡ ΤΕ ΝΟΟΝ ΠΕΠΥΚΑΣΜΕΝΟΣ ΕΣΤΑΙ.
ΕΣΘΛΗ Δ' ΑΝΔΡΟΓΟΝΟΣ ΔΕΚΑΤΗ, ΚΟΥΡΗ ΔΕ ΤΕ ΤΕΤΡΑΣ
ΜΕΣΣΗ: ΤΗ ΔΕ ΤΕ ΜΗΛΑ ΚΑΙ ΕΙΛΙΠΟΔΑΣ ΕΛΙΚΑΣ ΒΟΥΣ
ΚΑΙ ΚΥΝΑ ΚΑΡΧΑΡΟΔΟΝΤΑ ΚΑΙ ΟΥΡΗΑΣ ΤΑΛΑΕΡΓΟΥΣ
ΠΡΗΥΝΕΙΝ ΕΠΙ ΧΕΙΡΑ ΤΙΘΕΙΣ: ΠΕΦΥΛΑΞΟ ΔΕ ΘΥΜΩ
[ΤΕΤΡΑΔ' ΑΛΕΥΑΣΘΑΙ ΦΘΙΝΟΝΤΟΣ Θ' ΙΣΤΑΜΕΝΟΥ ΤΕ]
ΑΛΓΕΑ: ΘΥΜΟΒΟΡΕΙΝ ΜΑΛΑ ΤΟΙ ΤΕΤΕΛΕΣΜΕΝΟΝ ΗΜΑΡ.
ΕΝ ΔΕ ΤΕΤΑΡΤΗ ΜΗΝΟΣ ΑΓΕΣΘ' ΕΙΣ ΟΙΚΟΝ ΑΚΟΙΤΙΝ
ΟΙΩΝΟΥΣ ΚΡΙΝΑΣ ΟΙ ΕΠ' ΕΡΓΜΑΤΙ ΤΟΥΤΩ ΑΡΙΣΤΟΙ.
ΠΕΜΠΤΑΣ Δ' ΕΞΑΛΕΑΣΘΑΙ, ΕΠΕΙ ΧΑΛΕΠΑΙ ΤΕ ΚΑΙ ΑΙΝΑΙ:
ΕΝ ΠΕΜΠΤΗ ΓΑΡ ΦΑΣΙΝ ΕΡΙΝΥΑΣ ΑΜΦΙΠΟΛΕΥΕΙΝ
ΟΡΚΟΝ ΓΕΙΝΟΜΕΝΟΝ, ΤΟΝ ΕΡΙΣ ΤΕΚΕ ΠΗΜ' ΕΠΙΟΡΚΟΙΣ.
ΜΕΣΣΗ Δ' ΕΒΔΟΜΑΤΗ ΔΗΜΗΤΕΡΟΣ ΙΕΡΟΝ ΑΚΤΗΝ
ΕΥ ΜΑΛ' ΟΠΙΠΕΥΟΝΤΑ ΕΥΤΡΟΧΑΛΩ ΕΝ ΑΛΩΗ
ΒΑΛΛΕΙΝ, ΥΛΟΤΟΜΟΝ ΤΕ ΤΑΜΕΙΝ ΘΑΛΑΜΗΙΑ ΔΟΥΡΑ
ΝΗΙΑ ΤΕ ΞΥΛΑ ΠΟΛΛΑ, ΤΑ Τ' ΑΡΜΕΝΑ ΝΗΥΣΙ ΠΕΛΟΝΤΑΙ.
ΤΕΤΡΑΔΙ Δ' ΑΡΧΕΣΘΑΙ ΝΗΑΣ ΠΗΓΝΥΣΘΑΙ ΑΡΑΙΑΣ.
ΕΙΝΑΣ Δ' Η ΜΕΣΣΗ ΕΠΙ ΔΕΙΕ’ ΛΩΙΟΝ ΗΜΑΡ:
ΠΡΩΤΙΣΤΗ Δ' ΕΙΝΑΣ ΠΑΝΑΠΗΜΩΝ ΑΝΘΡΩΠΟΙΣΙΝ:
ΕΣΘΛΗ ΜΕΝ ΓΑΡ Θ' Η ΓΕ ΦΥΤΕΥΕΜΕΝ ΗΔΕ ΓΕΝΕΣΘΑΙ
ΑΝΕΡΙ Τ' ΗΔΕ ΓΥΝΑΙΚΙ, ΚΑΙ ΟΥΠΟΤΕ ΠΑΓΚΑΚΟΝ ΗΜΑΡ.
ΠΑΥΡΟΙ Δ' ΑΥΤΕ ΙΣΑΣΙ ΤΡΙΣΕΙΝΑΔΑ ΜΗΝΟΣ ΑΡΙΣΤΗΝ
[ΑΡΞΑΣΘΑΙ ΤΕ ΠΙΘΟΥ ΚΑΙ ΕΠΙ ΖΥΓΟΝ ΑΥΧΕΝΙ ΘΕΙΝΑΙ
ΒΟΥΣΙ ΚΑΙ ΗΜΙΟΝΟΙΣΙ ΚΑΙ ΙΠΠΟΙΣ ΩΚΥΠΟΔΕΣΣΙ],
ΝΗΑ ΠΟΛΥΚΛΗΙΔΑ ΘΟΗΝ ΕΙΣ ΟΙΝΟΠΑ ΠΟΝΤΟΝ
ΕΙΡΥΜΕΝΑΙ: ΠΑΥΡΟΙ ΔΕ Τ' ΑΛΗΘΕΑ ΚΙΚΛΗΣΚΟΥΣΙΝ.
ΤΕΤΡΑΔΙ Δ' ΟΙΓΕ ΠΙΘΟΝ: ΠΕΡΙ ΠΑΝΤΩΝ ΙΕΡΟΝ ΗΜΑΡ
ΜΕΣΣΗ: ΠΑΥΡΟΙ Δ' ΑΥΤΕ ΜΕΤ' ΕΙΚΑΔΑ ΜΗΝΟΣ ΑΡΙΣΤΗΝ
ΗΟΥΣ ΓΕΙΝΟΜΕΝΗΣ: ΕΠΙ ΔΕΙΕΛΑ Δ' ΕΣΤΙ ΧΕΡΕΙΩΝ.
ΑΙΔΕ ΜΕΝ ΗΜΕΡΑΙ ΕΙΣΙΝ ΕΠΙΧΘΟΝΙΟΙΣ ΜΕΓ΄ΟΝΕΙΑΡ:
ΑΙ Δ' ΑΛΛΑΙ ΜΕΤΑΔΟΥΠΟΙ, ΑΚΗΡΙΟΙ, ΟΥ ΤΙ ΦΕΡΟΥΣΑΙ.
ΑΛΛΟΣ Δ' ΑΛΛΟΙΗΝ ΑΙΝΕΙ, ΠΑΥΡΟΙ ΔΕ ΙΣΑΣΙΝ.
ΑΛΛΟΤΕ ΜΗΤΡΥΙΗ ΠΕΛΕΙ ΗΜΕΡΗ, ΑΛΛΟΤΕ ΜΗΤΗΡ.
ΤΑΩΝ ΕΥΔΑΙΜΩΝ ΤΕ ΚΑΙ ΟΛΒΙΟΣ ΟΣ ΤΑΔΕ ΠΑΝΤΑ
ΕΙΔΩΣ ΕΡΓΑΖΗΤΑΙ ΑΝΑΙΤΙΟΣ ΑΘΑΝΑΤΟΙΣΙΝ,
ΟΡΝΙΘΑΣ ΚΡΙΝΩΝ ΚΑΙ ΥΠΕΡΒΑΣΙΑΣ ΑΛΕΕΙΝΩΝ.
|
