|
ΝΥΝ Δ' ΑΙΝΟΝ ΒΑΣΙΛΕΥΣΙΝ ΕΡΕΩ ΦΡΟΝΕΟΥΣΙ ΚΑΙ ΑΥΤΟΙΣ:
ΩΔ' ΙΡΗΞ ΠΡΟΣΕΕΙΠΕΝ ΑΗΔΟΝΑ ΠΟΙΚΙΛΟΔΕΙΡΟΝ
ΥΨΙ ΜΑΛ' ΕΝ ΝΕΦΕΕΣΣΙ ΦΕΡΩΝ ΟΝΥΧΕΣΣΙ ΜΕΜΑΡΠΩΣ:
Η Δ' ΕΛΕΟΝ, ΓΝΑΜΠΤΟΙΣΙ ΠΕΠΑΡΜΕΝΗ ΑΜΦ' ΟΝΥΧΕΣΣΙ,
ΜΥΡΕΤΟ: ΤΗΝ Ο Γ' ΕΠΙΚΡΑΤΕΩΣ ΠΡΟΣ ΜΥΘΟΝ ΕΕΙΠΕΝ:
"ΔΑΙΜΟΝΙΗ, ΤΙ ΛΕΛΗΚΑΣ; ΕΧΕΙ ΣΥ ΣΕ ΠΟΛΛΟΝ ΑΡΕΙΩΝ:
ΤΗ Δ' ΕΙΣ Η Σ' ΑΝ ΕΓΩ ΠΕΡ ΑΓΩ ΚΑΙ ΑΟΙΔΟΝ ΕΟΥΣΑΝ:
ΔΕΙΠΝΟΝ Δ', ΑΙ Κ' ΕΘΕΛΩ, ΠΟΙΗΣΟΜΑΙ ΗΕ ΜΕΘΗΣΩ.
ΑΦΡΩΝ Δ', ΟΣ Κ' ΕΘΕΛΗ ΠΡΟΣ ΚΡΕΙΣΣΟΝΑΣ ΑΝΤΙΦΕΡΙΖΕΙΝ:
ΝΙΚΗΣ ΤΕ ΣΤΕΡΕΤΑΙ ΠΡΟΣ Τ' ΑΙΣΧΕΣΙΝ ΑΛΓΕΑ ΠΑΣΧΕΙ."
ΩΣ ΕΦΑΤ' ΩΚΥΠΕΤΗΣ ΙΡΗΞ, ΤΑΝΥΣΙΠΤΕΡΟΣ ΟΡΝΙΣ.
Ω ΠΕΡΣΗ, ΣΥ Δ' ΑΚΟΥΕ ΔΙΚΗΣ ΜΗΔ' ΥΒΡΙΝ ΟΦΕΛΛΕ:
ΥΒΡΙΣ ΓΑΡ ΤΕ ΚΑΚΗ ΔΕΙΛΩ ΒΡΟΤΩ, ΟΥΔΕ ΜΕΝ ΕΣΘΛΟΣ
ΡΗΙΔΙΩΣ ΦΕΡΕΜΕΝ ΔΥΝΑΤΑΙ, ΒΑΡΥΘΕΙ ΔΕ Θ' ΥΠ' ΑΥΤΗΣ
ΕΓΚΥΡΣΑΣ ΑΤΗΣΙΝ: ΟΔΟΣ Δ' ΕΤΕΡΗΦΙ ΠΑΡΕΛΘΕΙΝ
ΚΡΕΙΣΣΩΝ ΕΣ ΤΑ ΔΙΚΑΙΑ: ΔΙΚΗ Δ' ΥΠΕΡ ΥΒΡΙΟΣ ΙΣΧΕΙ
ΕΣ ΤΕΛΟΣ ΕΞΕΛΘΟΥΣΑ: ΠΑΘΩΝ ΔΕ ΤΕ ΝΗΠΙΟΣ ΕΓΝΩ.
ΑΥΤΙΚΑ ΓΑΡ ΤΡΕΧΕΙ ΟΡΚΟΣ ΑΜΑ ΣΚΟΛΙΗΣΙ ΔΙΚΗΣΙΝ:
ΤΗΣ ΔΕ ΔΙΚΗΣ ΡΟΘΟΣ ΕΛΚΟΜΕΝΗΣ Η Κ' ΑΝΔΡΕΣ ΑΓΩΣΙ
ΔΩΡΟΦΑΓΟΙ, ΣΚΟΛΙΗΣ ΔΕ ΔΙΚΗΣ ΚΡΙΝΩΣΙ ΘΕΜΙΣΤΑΣ:
Η Δ' ΕΠΕΤΑΙ ΚΛΑΙΟΥΣΑ ΠΟΛΙΝ ΚΑΙ ΗΘΕΑ ΛΑΩΝ,
ΗΕΡΑ ΕΣΣΑΜΕΝΗ, ΚΑΚΟΝ ΑΝΘΡΩΠΟΙΣΙ ΦΕΡΟΥΣΑ,
ΟΙ ΤΕ ΜΙΝ ΕΞΕΛΑΣΩΣΙ ΚΑΙ ΟΥΚ ΙΘΕΙΑΝ ΕΝΕΙΜΑΝ.
ΟΙ ΔΕ ΔΙΚΑΣ ΞΕΙΝΟΙΣΙ ΚΑΙ ΕΝΔΗΜΟΙΣΙ ΔΙΔΟΥΣΙΝ
ΙΘΕΙΑΣ ΚΑΙ ΜΗ ΤΙ ΠΑΡΕΚΒΑΙΝΟΥΣΙ ΔΙΚΑΙΟΥ,
ΤΟΙΣΙ ΤΕΘΗΛΕ ΠΟΛΙΣ, ΛΑΟΙ Δ' ΑΝΘΕΥΣΙΝ ΕΝ ΑΥΤΗ:
ΕΙΡΗΝΗ Δ' ΑΝΑ ΓΗΝ ΚΟΥΡΟΤΡΟΦΟΣ, ΟΥΔΕ ΠΟΤ' ΑΥΤΟΙΣ
ΑΡΓΑΛΕΟΝ ΠΟΛΕΜΟΝ ΤΕΚΜΑΙΡΕΤΑΙ ΕΥΡΥΟΠΑ ΖΕΥΣ:
ΟΥΔΕ ΠΟΤ' ΙΘΥΔΙΚΗΣΙ ΜΕΤ' ΑΝΔΡΑΣΙ ΛΙΜΟΣ ΟΠΗΔΕΙ
ΟΥΔ' ΑΤΗ, ΘΑΛΙΗΣ ΔΕ ΜΕΜΕΛΟΤΑ ΕΡΓΑ ΝΕΜΟΝΤΑΙ.
ΤΟΙΣΙ ΦΕΡΕΙ ΜΕΝ ΓΑΙΑ ΠΟΛΥΝ ΒΙΟΝ, ΟΥΡΕΣΙ ΔΕ ΔΡΥΣ
ΑΚΡΗ ΜΕΝ ΤΕ ΦΕΡΕΙ ΒΑΛΑΝΟΥΣ, ΜΕΣΣΗ ΔΕ ΜΕΛΙΣΣΑΣ:
ΕΙΡΟΠΟΚΟΙ Δ' ΟΙΕΣ ΜΑΛΛΟΙΣ ΚΑΤΑΒΕΒΡΙΘΑΣΙ:
ΤΙΚΤΟΥΣΙΝ ΔΕ ΓΥΝΑΙΚΕΣ ΕΟΙΚΟΤΑ ΤΕΚΝΑ ΓΟΝΕΥΣΙ:
ΘΑΛΛΟΥΣΙΝ Δ' ΑΓΑΘΟΙΣΙ ΔΙΑΜΠΕΡΕΣ: ΟΥΔ' ΕΠΙ ΝΗΩΝ
ΝΙΣΟΝΤΑΙ, ΚΑΡΠΟΝ ΔΕ ΦΕΡΕΙ ΖΕΙΔΩΡΟΣ ΑΡΟΥΡΑ.
ΟΙΣ Δ' ΥΒΡΙΣ ΤΕ ΜΕΜΗΛΕ ΚΑΚΗ ΚΑΙ ΣΧΕΤΛΙΑ ΕΡΓΑ,
ΤΟΙΣ ΔΕ ΔΙΚΗΝ ΚΡΟΝΙΔΗΣ ΤΕΚΜΑΙΡΕΤΑΙ ΕΥΡΥΟΠΑ ΖΕΥΣ.
ΠΟΛΛΑΚΙ ΚΑΙ ΞΥΜΠΑΣΑ ΠΟΛΙΣ ΚΑΚΟΥ ΑΝΔΡΟΣ ΑΠΗΥΡΑ,
ΟΣΤΙΣ ΑΛΙΤΡΑΙΝΗ ΚΑΙ ΑΤΑΣΘΑΛΑ ΜΗΧΑΝΑΑΤΑΙ.
ΤΟΙΣΙΝ Δ' ΟΥΡΑΝΟΘΕΝ ΜΕΓ' ΕΠΗΓΑΓΕ ΠΗΜΑ ΚΡΟΝΙΩΝ,
ΛΙΜΟΝ ΟΜΟΥ ΚΑΙ ΛΟΙΜΟΝ, ΑΠΟΦΘΙΝΥΘΟΥΣΙ ΔΕ ΛΑΟΙ:
[ΟΥΔΕ ΓΥΝΑΙΚΕΣ ΤΙΚΤΟΥΣΙΝ, ΜΙΝΥΘΟΥΣΙ ΔΕ ΟΙΚΟΙ
ΖΗΝΟΣ ΦΡΑΔΜΟΣΥΝΗΣΙΝ ΟΛΥΜΠΙΟΥ: ΑΛΛΟΤΕ Δ' ΑΥΤΕ]
Η ΤΩΝ ΓΕ ΣΤΡΑΤΟΝ ΕΥΡΥΝ ΑΠΩΛΕΣΕΝ Η Ο ΓΕ ΤΕΙΧΟΣ
Η ΝΕΑΣ ΕΝ ΠΟΝΤΩ ΚΡΟΝΙΔΗΣ ΑΠΟΤΕΙΝΥΤΑΙ ΑΥΤΩΝ.
Ω ΒΑΣΙΛΗΣ, ΥΜΕΙΣ ΔΕ ΚΑΤΑΦΡΑΖΕΣΘΕ ΚΑΙ ΑΥΤΟΙ
ΤΗΝΔΕ ΔΙΚΗΝ: ΕΓΓΥΣ ΓΑΡ ΕΝ ΑΝΘΡΩΠΟΙΣΙΝ ΕΟΝΤΕΣ
ΑΘΑΝΑΤΟΙ ΦΡΑΖΟΝΤΑΙ ΟΣΟΙ ΣΚΟΛΙΗΣΙ ΔΙΚΗΣΙΝ
ΑΛΛΗΛΟΥΣ ΤΡΙΒΟΥΣΙ ΘΕΩΝ ΟΠΙΝ ΟΥΚ ΑΛΕΓΟΝΤΕΣ.
ΤΡΙΣ ΓΑΡ ΜΥΡΙΟΙ ΕΙΣΙΝ ΕΠΙ ΧΘΟΝΙ ΠΟΥΛΥΒΟΤΕΙΡΗ
ΑΘΑΝΑΤΟΙ ΖΗΝΟΣ ΦΥΛΑΚΕΣ ΘΝΗΤΩΝ ΑΝΘΡΩΠΩΝ,
ΟΙ ΡΑ ΦΥΛΑΣΣΟΥΣΙΝ ΤΕ ΔΙΚΑΣ ΚΑΙ ΣΧΕΤΛΙΑ ΕΡΓΑ
ΗΕΡΑ ΕΣΣΑΜΕΝΟΙ, ΠΑΝΤΗ ΦΟΙΤΩΝΤΑΣ ΕΠ' ΑΙΑΝ.
Η ΔΕ ΤΕ ΠΑΡΘΕΝΟΣ ΕΣΤΙ ΔΙΚΗ, ΔΙΟΣ ΕΚΓΕΓΑΥΙΑ,
ΚΥΔΡΗ Τ' ΑΙΔΟΙΗ ΤΕ ΘΕΟΙΣ ΟΙ ΟΛΥΜΠΟΝ ΕΧΟΥΣΙΝ,
ΚΑΙ Ρ' ΟΠΟΤ' ΑΝ ΤΙΣ ΜΙΝ ΒΛΑΠΤΗ ΣΚΟΛΙΩΣ ΟΝΟΤΑΖΩΝ,
ΑΥΤΙΚΑ ΠΑΡ ΔΙΙ ΠΑΤΡΙ ΚΑΘΕΖΟΜΕΝΗ ΚΡΟΝΙΩΝΙ
ΓΗΡΥΕΤ' ΑΝΘΡΩΠΩΝ ΑΔΙΚΩΝ ΝΟΟΝ, ΟΦΡ' ΑΠΟΤΕΙΣΗ
ΔΗΜΟΣ ΑΤΑΣΘΑΛΙΑΣ ΒΑΣΙΛΕΩΝ ΟΙ ΛΥΓΡΑ ΝΟΕΥΝΤΕΣ
ΑΛΛΗ ΠΑΡΚΛΙΝΩΣΙ ΔΙΚΑΣ ΣΚΟΛΙΩΣ ΕΝΕΠΟΝΤΕΣ.
ΤΑΥΤΑ ΦΥΛΑΣΣΟΜΕΝΟΙ, ΒΑΣΙΛΗΣ, ΙΘΥΝΕΤΕ ΜΥΘΟΥΣ,
ΔΩΡΟΦΑΓΟΙ, ΣΚΟΛΙΕΩΝ ΔΕ ΔΙΚΕΩΝ ΕΠΙ ΠΑΓΧΥ ΛΑΘΕΣΘΕ.
ΟΙ ΑΥΤΩ ΚΑΚΑ ΤΕΥΧΕΙ ΑΝΗΡ ΑΛΛΩ ΚΑΚΑ ΤΕΥΧΩΝ,
Η ΔΕ ΚΑΚΗ ΒΟΥΛΗ ΤΩ ΒΟΥΛΕΥΣΑΝΤΙ ΚΑΚΙΣΤΗ.
ΠΑΝΤΑ ΙΔΩΝ ΔΙΟΣ ΟΦΘΑΛΜΟΣ ΚΑΙ ΠΑΝΤΑ ΝΟΗΣΑΣ
ΚΑΙ ΝΥ ΤΑΔ' ΑΙ Κ' ΕΘΕΛΗΣ', ΕΠΙΔΕΡΚΕΤΑΙ, ΟΥΔΕ Ε ΛΗΘΕΙ
ΟΙΗΝ ΔΕ ΚΑΙ ΤΗΝΔΕ ΔΙΚΗΝ ΠΟΛΙΣ ΕΝΤΟΣ ΕΕΡΓΕΙ.
ΝΥΝ ΔΗ ΕΓΩ ΜΗΤ' ΑΥΤΟΣ ΕΝ ΑΝΘΡΩΠΟΙΣΙ ΔΙΚΑΙΟΣ
ΕΙΗΝ ΜΗΤ' ΕΜΟΣ ΥΙΟΣ, ΕΠΕΙ ΚΑΚΟΝ ΑΝΔΡΑ ΔΙΚΑΙΟΝ
ΕΜΜΕΝΑΙ, ΕΙ ΜΕΙΖΩ ΓΕ ΔΙΚΗΝ ΑΔΙΚΩΤΕΡΟΣ ΕΞΕΙ.
ΑΛΛΑ ΤΑ Γ΄ΟΥΠΩ ΕΟΛΠΑ ΤΕΛΕΙΝ ΔΙΑ ΜΗΤΙΟΕΝΤΑ.
Ω ΠΕΡΣΗ, ΣΥ ΔΕ ΤΑΥΤΑ ΜΕΤΑ ΦΡΕΣΙ ΒΑΛΛΕΟ ΣΗΣΙ
ΚΑΙ ΝΥ ΔΙΚΗΣ ΕΠΑΚΟΥΕ, ΒΙΗΣ Δ' ΕΠΙΛΗΘΕΟ ΠΑΜΠΑΝ.
ΤΟΝΔΕ ΓΑΡ ΑΝΘΡΩΠΟΙΣΙ ΝΟΜΟΝ ΔΙΕΤΑΞΕ ΚΡΟΝΙΩΝ,
ΙΧΘΥΣΙ ΜΕΝ ΚΑΙ ΘΗΡΣΙ ΚΑΙ ΟΙΩΝΟΙΣ ΠΕΤΕΗΝΟΙΣ
ΕΣΘΕΙΝ ΑΛΛΗΛΟΥΣ, ΕΠΕΙ ΟΥ ΔΙΚΗ ΕΣΤΙ ΜΕΤ' ΑΥΤΟΙΣ:
ΑΝΘΡΩΠΟΙΣΙ Δ' ΕΔΩΚΕ ΔΙΚΗΝ, Η ΠΟΛΛΟΝ ΑΡΙΣΤΗ
ΓΙΝΕΤΑΙ: ΕΙ ΓΑΡ ΤΙΣ Κ' ΕΘΕΛΗ ΤΑ ΔΙΚΑΙ' ΑΓΟΡΕΥΣΑΙ
ΓΙΝΩΣΚΩΝ, ΤΩ ΜΕΝ Τ' ΟΛΒΟΝ ΔΙΔΟΙ ΕΥΡΥΟΠΑ ΖΕΥΣ:
ΟΣ ΔΕ ΚΕ ΜΑΡΤΥΡΙΗΣΙΝ ΕΚΩΝ ΕΠΙΟΡΚΟΝ ΟΜΟΣΣΑΣ
ΨΕΥΣΕΤΑΙ, ΕΝ ΔΕ ΔΙΚΗΝ ΒΛΑΨΑΣ ΝΗΚΕΣΤΟΝ ΑΑΣΘΗ,
ΤΟΥ ΔΕ Τ' ΑΜΑΥΡΟΤΕΡΗ ΓΕΝΕΗ ΜΕΤΟΠΙΣΘΕ ΛΕΛΕΙΠΤΑΙ:
ΑΝΔΡΟΣ Δ' ΕΥΟΡΚΟΥ ΓΕΝΕΗ ΜΕΤΟΠΙΣΘΕΝ ΑΜΕΙΝΩΝ.
ΣΟΙ Δ' ΕΓΩ ΕΣΘΛΑ ΝΟΕΩΝ ΕΡΕΩ, ΜΕΓΑ ΝΗΠΙΕ ΠΕΡΣΗ:
ΤΗΝ ΜΕΝ ΤΟΙ ΚΑΚΟΤΗΤΑ ΚΑΙ ΙΛΑΔΟΝ ΕΣΤΙΝ ΕΛΕΣΘΑΙ
ΡΗΙΔΙΩΣ: ΛΕΙΗ ΜΕΝ ΟΔΟΣ, ΜΑΛΑ Δ' ΕΓΓΥΘΙ ΝΑΙΕΙ:
ΤΗΣ Δ' ΑΡΕΤΗΣ ΙΔΡΩΤΑ ΘΕΟΙ ΠΡΟΠΑΡΟΙΘΕΝ ΕΘΗΚΑΝ
ΑΘΑΝΑΤΟΙ: ΜΑΚΡΟΣ ΔΕ ΚΑΙ ΟΡΘΙΟΣ ΟΙΜΟΣ ΕΣ ΑΥΤΗΝ
ΚΑΙ ΤΡΗΧΥΣ ΤΟ ΠΡΩΤΟΝ: ΕΠΗΝ Δ' ΕΙΣ ΑΚΡΟΝ ΙΚΗΤΑΙ,
ΡΗΙΔΙΗ ΔΗ ΕΠΕΙΤΑ ΠΕΛΕΙ, ΧΑΛΕΠΗ ΠΕΡ ΕΟΥΣΑ.
ΟΥΤΟΣ ΜΕΝ ΠΑΝΑΡΙΣΤΟΣ, ΟΣ ΑΥΤΩ ΠΑΝΤΑ ΝΟΗΣΕΙ
[ΦΡΑΣΣΑΜΕΝΟΣ ΤΑ Κ' ΕΠΕΙΤΑ ΚΑΙ ΕΣ ΤΕΛΟΣ ΗΣΙΝ ΑΜΕΙΝΩ]:
ΕΣΘΛΟΣ Δ' ΑΥ ΚΑΚΕΙΝΟΣ ΟΣ ΕΥ ΕΙΠΟΝΤΙ ΠΙΘΗΤΑΙ:
ΟΣ ΔΕ ΚΕ ΜΗΤ' ΑΥΤΩ ΝΟΕΗ ΜΗΤ' ΑΛΛΟΥ ΑΚΟΥΩΝ
ΕΝ ΘΥΜΩ ΒΑΛΛΗΤΑΙ, Ο Δ' ΑΥΤ' ΑΧΡΗΙΟΣ ΑΝΗΡ.
ΑΛΛΑ ΣΥ Γ' ΗΜΕΤΕΡΗΣ ΜΕΜΝΗΜΕΝΟΣ ΑΙΕΝ ΕΦΕΤΜΗΣ
ΕΡΓΑΖΕΥ, ΠΕΡΣΗ, ΔΙΟΝ ΓΕΝΟΣ, ΟΦΡΑ ΣΕ ΛΙΜΟΣ
ΕΧΘΑΙΡΗ, ΦΙΛΕΗ ΔΕ Σ' ΕΥΣΤΕΦΑΝΟΣ ΔΗΜΗΤΗΡ
ΑΙΔΟΙΗ, ΒΙΟΤΟΥ ΔΕ ΤΕΗΝ ΠΙΜΠΛΗΣΙ ΚΑΛΙΗΝ:
ΛΙΜΟΣ ΓΑΡ ΤΟΙ ΠΑΜΠΑΝ ΑΕΡΓΩ ΣΥΜΦΟΡΟΣ ΑΝΔΡΙ:
ΤΩ ΔΕ ΘΕΟΙ ΝΕΜΕΣΩΣΙ ΚΑΙ ΑΝΕΡΕΣ ΟΣ ΚΕΝ ΑΕΡΓΟΣ
ΖΩΗ, ΚΗΦΗΝΕΣΣΙ ΚΑΜΑΤΟΝ ΤΡΥΧΟΥΣΙΝ ΑΕΡΓΟΙ
ΕΣΘΟΝΤΕΣ: ΣΟΙ Δ' ΕΡΓΑ ΦΙΛ' ΕΣΤΩ ΜΕΤΡΙΑ ΚΟΣΜΕΙΝ,
ΩΣ ΚΕ ΤΟΙ ΩΡΑΙΟΥ ΒΙΟΤΟΥ ΠΛΗΘΩΣΙ ΚΑΛΙΑΙ.
ΕΞ ΕΡΓΩΝ Δ' ΑΝΔΡΕΣ ΠΟΛΥΜΗΛΟΙ Τ' ΑΦΝΕΙΟΙ ΤΕ,
ΚΑΙ Τ' ΕΡΓΑΖΟΜΕΝΟΣ ΠΟΛΥ ΦΙΛΤΕΡΟΣ ΑΘΑΝΑΤΟΙΣΙΝ
[ΕΣΣΕΑΙ ΗΔΕ ΒΡΟΤΟΙΣ: ΜΑΛΑ ΓΑΡ ΣΤΥΓΕΟΥΣΙΝ ΑΕΡΓΟΥΣ].
ΕΡΓΟΝ Δ' ΟΥΔΕΝ ΟΝΕΙΔΟΣ, ΑΕΡΓΙΗ ΔΕ Τ' ΟΝΕΙΔΟΣ.
ΕΙ ΔΕ ΚΕΝ ΕΡΓΑΖΗ, ΤΑΧΑ ΣΕ ΖΗΛΩΣΕΙ ΑΕΡΓΟΣ
ΠΛΟΥΤΕΥΝΤΑ: ΠΛΟΥΤΩ Δ' ΑΡΕΤΗ ΚΑΙ ΚΥΔΟΣ ΟΠΗΔΕΙ.
ΔΑΙΜΟΝΙ Δ' ΟΙΟΣ ΕΗΣΘΑ, ΤΟ ΕΡΓΑΖΕΣΘΑΙ ΑΜΕΙΝΟΝ,
ΕΙ ΚΕΝ ΑΠ' ΑΛΛΟΤΡΙΩΝ ΚΤΕΑΝΩΝ ΑΕΣΙΦΡΟΝΑ ΘΥΜΟΝ
ΕΣ ΕΡΓΟΝ ΤΡΕΨΑΣ ΜΕΛΕΤΑΣ ΒΙΟΥ, ΩΣ ΣΕ ΚΕΛΕΥΩ.
ΑΙΔΩΣ Δ' ΟΥΚ ΑΓΑΘΗ ΚΕΧΡΗΜΕΝΟΝ ΑΝΔΡΑ ΚΟΜΙΖΕΙΝ,
ΑΙΔΩΣ, Η Τ' ΑΝΔΡΑΣ ΜΕΓΑ ΣΙΝΕΤΑΙ ΗΔ' ΟΝΙΝΗΣΙΝ:
ΑΙΔΩΣ ΤΟΙ ΠΡΟΣ ΑΝΟΛΒΙΗ, ΘΑΡΣΟΣ ΔΕ ΠΡΟΣ ΟΛΒΩ.
ΧΡΗΜΑΤΑ Δ' ΟΥΧ ΑΡΠΑΚΤΑ, ΘΕΟΣΔΟΤΑ ΠΟΛΛΟΝ ΑΜΕΙΝΩ:
ΕΙ ΓΑΡ ΤΙΣ ΚΑΙ ΧΕΡΣΙ ΒΙΗ ΜΕΓΑΝ ΟΛΒΟΝ ΕΛΗΤΑΙ,
Η Ο Γ' ΑΠΟ ΓΛΩΣΣΗΣ ΛΙΗΣΣΕΤΑΙ, ΟΙΑ ΤΕ ΠΟΛΛΑ
ΓΙΝΕΤΑΙ, ΕΥΤ' ΑΝ ΔΗ ΚΕΡΔΟΣ ΝΟΟΝ ΕΞΑΠΑΤΗΣΗ
ΑΝΘΡΩΠΩΝ, ΑΙΔΩ ΔΕ Τ' ΑΝΑΙΔΕΙΗ ΚΑΤΟΠΑΖΗ,
ΡΕΙΑ ΔΕ ΜΙΝ ΜΑΥΡΟΥΣΙ ΘΕΟΙ, ΜΙΝΥΘΟΥΣΙ ΔΕ ΟΙΚΟΝ
ΑΝΕΡΙ ΤΩ, ΠΑΥΡΟΝ ΔΕ Τ' ΕΠΙ ΧΡΟΝΟΝ ΟΛΒΟΣ ΟΠΗΔΕΙ.
ΙΣΟΝ Δ' ΟΣ Θ' ΙΚΕΤΗΝ ΟΣ ΤΕ ΞΕΙΝΟΝ ΚΑΚΟΝ ΕΡΞΕΙ,
ΟΣ ΤΕ ΚΑΣΙΓΝΗΤΟΙΟ ΕΟΥ ΑΝΑ ΔΕΜΝΙΑ ΒΑΙΝΗ
[ΚΡΥΠΤΑΔΙΗΣ ΕΥΝΗΣ ΑΛΟΧΟΥ, ΠΑΡΑΚΑΙΡΙΑ ΡΕΖΩΝ],
ΟΣ ΤΕ ΤΕΥ ΑΦΡΑΔΙΗΣ ΑΛΙΤΑΙΝΗΤ' ΟΡΦΑΝΑ ΤΕΚΝΑ,
ΟΣ ΤΕ ΓΟΝΗΑ ΓΕΡΟΝΤΑ ΚΑΚΩ ΕΠΙ ΓΗΡΑΟΣ ΟΥΔΩ
ΝΕΙΚΕΙΗ ΧΑΛΕΠΟΙΣΙ ΚΑΘΑΠΤΟΜΕΝΟΣ ΕΠΕΕΣΣΙ:
ΤΩ Δ' Η ΤΟΙ ΖΕΥΣ ΑΥΤΟΣ ΑΓΑΙΕΤΑΙ, ΕΣ ΔΕ ΤΕΛΕΥΤΗΝ
ΕΡΓΩΝ ΑΝΤ' ΑΔΙΚΩΝ ΧΑΛΕΠΗΝ ΕΠΕΘΗΚΕΝ ΑΜΟΙΒΗΝ.
ΑΛΛΑ ΣΥ ΤΩΝ ΜΕΝ ΠΑΜΠΑΝ ΕΕΡΓ' ΑΕΣΙΦΡΟΝΑ ΘΥΜΟΝ.
ΚΑΔ ΔΥΝΑΜΙΝ Δ' ΕΡΔΕΙΝ ΙΕΡ' ΑΘΑΝΑΤΟΙΣΙ ΘΕΟΙΣΙΝ
ΑΓΝΩΣ ΚΑΙ ΚΑΘΑΡΩΣ, ΕΠΙ Δ' ΑΓΛΑΑ ΜΗΡΙΑ ΚΑΙΕΙΝ:
ΑΛΛΟΤΕ ΔΕ ΣΠΟΝΔΗΣΙ ΘΥΕΣΣΙ ΤΕ ΙΛΑΣΚΕΣΘΑΙ,
ΗΜΕΝ ΟΤ' ΕΥΝΑΖΗ ΚΑΙ ΟΤ' ΑΝ ΦΑΟΣ ΙΕΡΟΝ ΕΛΘΗ,
ΩΣ ΚΕ ΤΟΙ ΙΛΑΟΝ ΚΡΑΔΙΗΝ ΚΑΙ ΘΥΜΟΝ ΕΧΩΣΙΝ,
ΟΦΡ' ΑΛΛΩΝ ΩΝΗ ΚΛΗΡΟΝ, ΜΗ ΤΟΝ ΤΕΟΝ ΑΛΛΟΣ.
ΤΟΝ ΦΙΛΕΟΝΤ' ΕΠΙ ΔΑΙΤΑ ΚΑΛΕΙΝ, ΤΟΝ Δ' ΕΧΘΡΟΝ ΕΑΣΑΙ:
ΤΟΝ ΔΕ ΜΑΛΙΣΤΑ ΚΑΛΕΙΝ ΟΣΤΙΣ ΣΕΘΕΝ ΕΓΓΥΘΙ ΝΑΙΕΙ:
ΕΙ ΓΑΡ ΤΟΙ ΚΑΙ ΧΡΗΜ' ΕΓΚΩΜΙΟΝ ΑΛΛΟ ΓΕΝΗΤΑΙ,
ΓΕΙΤΟΝΕΣ ΑΖΩΣΤΟΙ ΕΚΙΟΝ, ΖΩΣΑΝΤΟ ΔΕ ΠΗΟΙ.
ΠΗΜΑ ΚΑΚΟΣ ΓΕΙΤΩΝ, ΟΣΣΟΝ Τ' ΑΓΑΘΟΣ ΜΕΓ' ΟΝΕΙΑΡ:
ΕΜΜΟΡΕ ΤΟΙ ΤΙΜΗΣ ΟΣ Τ' ΕΜΜΟΡΕ ΓΕΙΤΟΝΟΣ ΕΣΘΛΟΥ:
ΟΥΔ' ΑΝ ΒΟΥΣ ΑΠΟΛΟΙΤ', ΕΙ ΜΗ ΓΕΙΤΩΝ ΚΑΚΟΣ ΕΙΗ.
ΕΥ ΜΕΝ ΜΕΤΡΕΙΣΘΑΙ ΠΑΡΑ ΓΕΙΤΟΝΟΣ, ΕΥ Δ' ΑΠΟΔΟΥΝΑΙ,
ΑΥΤΩ ΤΩ ΜΕΤΡΩ, ΚΑΙ ΛΩΙΟΝ ΑΙ ΚΕ ΔΥΝΗΑΙ,
ΩΣ ΑΝ ΧΡΗΙΖΩΝ ΚΑΙ ΕΣ ΥΣΤΕΡΟΝ ΑΡΚΙΟΝ ΕΥΡΗΣ.
ΜΗ ΚΑΚΑ ΚΕΡΔΑΙΝΕΙΝ: ΚΑΚΑ ΚΕΡΔΕΑ ΙΣ' ΑΤΗΣΙ.
ΤΟΝ ΦΙΛΕΟΝΤΑ ΦΙΛΕΙΝ, ΚΑΙ ΤΩ ΠΡΟΣΙΟΝΤΙ ΠΡΟΣΕΙΝΑΙ.
ΚΑΙ ΔΟΜΕΝ ΟΣ ΚΕΝ ΔΩ ΚΑΙ ΜΗ ΔΟΜΕΝ ΟΣ ΚΕΝ ΜΗ ΔΩ:
ΔΩΤΗ ΜΕΝ ΤΙΣ ΕΔΩΚΕΝ, ΑΔΩΤΗ Δ' ΟΥ ΤΙΣ ΕΔΩΚΕΝ:
ΔΩΣ ΑΓΑΘΗ, ΑΡΠΑΞ ΔΕ ΚΑΚΗ, ΘΑΝΑΤΟΙΟ ΔΟΤΕΙΡΑ:
ΟΣ ΜΕΝ ΓΑΡ ΚΕΝ ΑΝΗΡ ΕΘΕΛΩΝ, Ο ΓΕ ΚΑΙ ΜΕΓΑ, ΔΩΗ,
ΧΑΙΡΕΙ ΤΩ ΔΩΡΩ ΚΑΙ ΤΕΡΠΕΤΑΙ ΟΝ ΚΑΤΑ ΘΥΜΟΝ:
ΟΣ ΔΕ ΚΕΝ ΑΥΤΟΣ ΕΛΗΤΑΙ ΑΝΑΙΔΕΙΗΦΙ ΠΙΘΗΣΑΣ,
ΚΑΙ ΤΕ ΣΜΙΚΡΟΝ ΕΟΝ, ΤΟ Γ' ΕΠΑΧΝΩΣΕΝ ΦΙΛΟΝ ΗΤΟΡ.
ΕΙ ΓΑΡ ΚΕΝ ΚΑΙ ΣΜΙΚΡΟΝ ΕΠΙ ΣΜΙΚΡΩ ΚΑΤΑΘΕΙΟ
ΚΑΙ ΘΑΜΑ ΤΟΥΤ' ΕΡΔΟΙΣ, ΤΑΧΑ ΚΕΝ ΜΕΓΑ ΚΑΙ ΤΟ ΓΕΝΟΙΤΟ:
ΟΣ Δ' ΕΠ' ΕΟΝΤΙ ΦΕΡΕΙ, Ο Δ' ΑΛΕΞΕΤΑΙ ΑΙΘΟΠΑ ΛΙΜΟΝ.
ΟΥΔΕ ΤΟ Γ' ΕΙΝ ΟΙΚΩ ΚΑΤΑΚΕΙΜΕΝΟΝ ΑΝΕΡΑ ΚΗΔΕΙ:
ΟΙΚΟΙ ΒΕΛΤΕΡΟΝ ΕΙΝΑΙ, ΕΠΕΙ ΒΛΑΒΕΡΟΝ ΡΟ ΘΥΡΗΦΙΝ.
ΕΣΘΛΟΝ ΜΕΝ ΠΑΡΕΟΝΤΟΣ ΕΛΕΣΘΑΙ, ΠΗΜΑ ΔΕ ΘΥΜΩ
ΧΡΗΙΖΕΙΝ ΑΠΕΟΝΤΟΣ: Α ΣΕ ΦΡΑΖΕΣΘΑΙ ΑΝΩΓΑ.
|
