|
ΖΩΣΕ ΔΕ ΚΑΙ ΚΟΣΜΗΣΕ ΘΕΑ ΓΛΑΥΚΩΠΙΣ ΑΘΗΝΗ:
ΑΜΦΙ ΔΕ ΟΙ ΧΑΡΙΤΕΣ ΤΕ ΘΕΑΙ ΚΑΙ ΠΟΤΝΙΑ ΠΕΙΘΩ
ΟΡΜΟΥΣ ΧΡΥΣΕΙΟΥΣ ΕΘΕΣΕΝ ΧΡΟΙ: ΑΜΦΙ ΔΕ ΤΗΝ ΓΕ
ΩΡΑΙ ΚΑΛΛΙΚΟΜΟΙ ΣΤΕΦΟΝ ΑΝΘΕΣΙ ΕΙΑΡΙΝΟΙΣΙΝ:
ΠΑΝΤΑ ΔΕ ΟΙ ΧΡΟΙ ΚΟΣΜΟΝ ΕΦΗΡΜΟΣΕ ΠΑΛΛΑΣ ΑΘΗΝΗ:]
ΕΝ Δ' ΑΡΑ ΟΙ ΣΤΗΘΕΣΣΙ ΔΙΑΚΤΟΡΟΣ ΑΡΓΕΪΦΟΝΤΗΣ
ΨΕΥΔΕΑ Θ' ΑΙΜΥΛΙΟΥΣ ΤΕ ΛΟΓΟΥΣ ΚΑΙ ΕΠΙΚΛΟΠΟΝ ΗΘΟΣ
ΤΕΥΞΕ ΔΙΟΣ ΒΟΥΛΗΣΙ ΒΑΡΥΚΤΥΠΟΥ: ΕΝ Δ' ΑΡΑ ΦΩΝΗΝ
ΘΗΚΕ ΘΕΩΝ ΚΗΡΥΞ, ΟΝΟΜΗΝΕ ΔΕ ΤΗΝΔΕ ΓΥΝΑΙΚΑ
ΠΑΝΔΩΡΗΝ, ΟΤΙ ΠΑΝΤΕΣ ΟΛΥΜΠΙΑ ΔΩΜΑΤ' ΕΧΟΝΤΕΣ
ΔΩΡΟΝ ΕΔΩΡΗΣΑΝ, ΠΗΜ' ΑΝΔΡΑΣΙΝ ΑΛΦΗΣΤΗΣΙΝ.
ΑΥΤΑΡ ΕΠΕΙ ΔΟΛΟΝ ΑΙΠΥΝ ΑΜΗΧΑΝΟΝ ΕΞΕΤΕΛΕΣΣΕΝ,
ΕΙΣ ΕΠΙΜΗΘΕΑ ΠΕΜΠΕ ΠΑΤΗΡ ΚΛΥΤΟΝ ΑΡΓΕΪΦΟΝΤΗΝ
ΔΩΡΟΝ ΑΓΟΝΤΑ, ΘΕΩΝ ΤΑΧΥΝ ΑΓΓΕΛΟΝ: ΟΥΔ' ΕΠΙΜΗΘΕΥΣ
ΕΦΡΑΣΑΘ' ΩΣ ΟΙ ΕΕΙΠΕ ΠΡΟΜΗΘΕΥΣ ΜΗ ΠΟΤΕ ΔΩΡΟΝ
ΔΕΞΑΣΘΑΙ ΠΑΡ ΖΗΝΟΣ ΟΛΥΜΠΙΟΥ, ΑΛΛ' ΑΠΟΠΕΜΠΕΙΝ
ΕΞΟΠΙΣΩ, ΜΗ ΠΟΥ ΤΙ ΚΑΚΟΝ ΘΝΗΤΟΙΣΙ ΓΕΝΗΤΑΙ:
ΑΥΤΑΡ Ο ΔΕΞΑΜΕΝΟΣ, ΟΤΕ ΔΗ ΚΑΚΟΝ ΕΙΧ' ΕΝΟΗΣΕ.
ΠΡΙΝ ΜΕΝ ΓΑΡ ΖΩΕΣΚΟΝ ΕΠΙ ΧΘΟΝΙ ΦΥΛ' ΑΝΘΡΩΠΩΝ
ΝΟΣΦΙΝ ΑΤΕΡ ΤΕ ΚΑΚΩΝ ΚΑΙ ΑΤΕΡ ΧΑΛΕΠΟΙΟ ΠΟΝΟΙΟ
ΝΟΥΣΩΝ Τ' ΑΡΓΑΛΕΩΝ, ΑΙ Τ' ΑΝΔΡΑΣΙ ΚΗΡΑΣ ΕΔΩΚΑΝ.
[ΑΙΨΑ ΓΥΝΗ ΧΕΙΡΕΣΣΙ ΠΙΘΟΥ ΜΕΓΑ ΠΩΜ' ΑΦΕΛΟΥΣΑ
ΕΣΚΕΔΑΣ', ΑΝΘΡΩΠΟΙΣΙ Δ' ΕΜΗΣΑΤΟ ΚΗΔΕΑ ΛΥΓΡΑ.
ΜΟΥΝΗ Δ' ΑΥΤΟΘΙ ΕΛΠΙΣ ΕΝ ΑΡΡΗΚΤΟΙΣΙ ΔΟΜΟΙΣΙΝ
ΕΝΔΟΝ ΕΜΕΙΝΕ ΠΙΘΟΥ ΥΠΟ ΧΕΙΛΕΣΙΝ ΟΥΔΕ ΘΥΡΑΖΕ
ΕΞΕΠΤΗ: ΠΡΟΣΘΕΝ ΓΑΡ ΕΠΕΜΒΑΛΕ ΠΩΜΑ ΠΙΘΟΙΟ
[ΑΙΓΙΟΧΟΥ ΒΟΥΛΗΣΙ ΔΙΟΣ ΝΕΦΕΛΗΦΕΡΕΤΑΟ].
ΑΛΛΑ ΔΕ ΜΥΡΙΑ ΛΥΓΡΑ ΚΑΤ' ΑΝΘΡΩΠΟΥΣ ΑΛΑΛΗΤΑΙ:
ΠΛΕΙΗ ΜΕΝ ΓΑΡ ΓΑΙΑ ΚΑΚΩΝ, ΠΛΕΙΗ ΔΕ ΘΑΛΑΣΣΑ:
ΝΟΥΣΟΙ Δ' ΑΝΘΡΩΠΟΙΣΙΝ ΕΦ' ΗΜΕΡΗ, ΑΙ Δ' ΕΠΙ ΝΥΚΤΙ
ΑΥΤΟΜΑΤΟΙ ΦΟΙΤΩΣΙ ΚΑΚΑ ΘΝΗΤΟΙΣΙ ΦΕΡΟΥΣΑΙ
ΣΙΓΗ, ΕΠΕΙ ΦΩΝΗΝ ΕΞΕΙΛΕΤΟ ΜΗΤΙΕΤΑ ΖΕΥΣ.
ΟΥΤΩΣ ΟΥ ΤΙ ΠΗ ΕΣΤΙ ΔΙΟΣ ΝΟΟΝ ΕΞΑΛΕΑΣΘΑΙ.
ΕΙ Δ' ΕΘΕΛΕΙΣ, ΕΤΕΡΟΝ ΤΟΙ ΕΓΩ ΛΟΓΟΝ ΕΚΚΟΡΥΦΩΣΩ
ΕΥ ΚΑΙ ΕΠΙΣΤΑΜΕΝΩΣ: ΣΥ Δ' ΕΝΙ ΦΡΕΣΙ ΒΑΛΛΕΟ ΣΗΣΙΝ
[ΩΣ ΟΜΟΘΕΝ ΓΕΓΑΑΣΙ ΘΕΟΙ ΘΝΗΤΟΙ Τ' ΑΝΘΡΩΠΟΙ].
ΧΡΥΣΕΟΝ ΜΕΝ ΠΡΩΤΙΣΤΑ ΓΕΝΟΣ ΜΕΡΟΠΩΝ ΑΝΘΡΩΠΩΝ
ΑΘΑΝΑΤΟΙ ΠΟΙΗΣΑΝ ΟΛΥΜΠΙΑ ΔΩΜΑΤ' ΕΧΟΝΤΕΣ.
ΟΙ ΜΕΝ ΕΠΙ ΚΡΟΝΟΥ ΗΣΑΝ, ΟΤ' ΟΥΡΑΝΩ ΕΜΒΑΣΙΛΕΥΕΝ:
ΩΣΤΕ ΘΕΟΙ Δ' ΕΖΩΟΝ ΑΚΗΔΕΑ ΘΥΜΟΝ ΕΧΟΝΤΕΣ
ΝΟΣΦΙΝ ΑΤΕΡ ΤΕ ΠΟΝΩΝ ΚΑΙ ΟΙΖΥΟΣ, ΟΥΔΕ ΤΙ ΔΕΙΛΟΝ
ΓΗΡΑΣ ΕΠΗΝ, ΑΙΕΙ ΔΕ ΠΟΔΑΣ ΚΑΙ ΧΕΙΡΑΣ ΟΜΟΙΟΙ
ΤΕΡΠΟΝΤ' ΕΝ ΘΑΛΙΗΣΙ, ΚΑΚΩΝ ΕΚΤΟΘΕΝ ΑΠΑΝΤΩΝ:
ΘΝΗΣΚΟΝ Δ' ΩΣΘ' ΥΠΝΩ ΔΕΔΜΗΜΕΝΟΙ: ΕΣΘΛΑ ΔΕ ΠΑΝΤΑ
ΤΟΙΣΙΝ ΕΗΝ: ΚΑΡΠΟΝ Δ΄ΕΦΕΡΕ ΖΕΙΔΩΡΟΣ ΑΡΟΥΡΑ
ΑΥΤΟΜΑΤΗ ΠΟΛΛΟΝ ΤΕ ΚΑΙ ΑΦΘΟΝΟΝ: ΟΙ Δ' ΕΘΕΛΗΜΟΙ
ΗΣΥΧΟΙ ΕΡΓ' ΕΝΕΜΟΝΤΟ ΣΥΝ ΕΣΘΛΟΙΣΙΝ ΠΟΛΕΕΣΣΙΝ.
ΑΥΤΑΡ, ΕΠΕΙ ΔΗ ΤΟΥΤΟ ΓΕΝΟΣ ΚΑΤΑ ΓΑΙΑ ΚΑΛΥΨΕ,
ΤΟΙ ΜΕΝ ΔΑΙΜΟΝΕΣ ΑΓΝΟΙ ΕΠΙΧΘΟΝΙΟΙ ΤΕΛΕΘΟΥΣΙΝ
ΕΣΘΛΟΙ, ΑΛΕΞΙΚΑΚΟΙ, ΦΥΛΑΚΕΣ ΘΝΗΤΩΝ ΑΝΘΡΩΠΩΝ,
[ΟΙ ΡΑ ΦΥΛΑΣΣΟΥΣΙΝ ΤΕ ΔΙΚΑΣ ΚΑΙ ΣΧΕΤΛΙΑ ΕΡΓΑ
ΗΕΡΑ ΕΣΣΑΜΕΝΟΙ ΠΑΝΤΗ ΦΟΙΤΩΝΤΑΣ ΕΠ' ΑΙΑΝ,]
ΠΛΟΥΤΟΔΟΤΑΙ: ΚΑΙ ΤΟΥΤΟ ΓΕΡΑΣ ΒΑΣΙΛΗΙΟΝ ΕΣΧΟΝ.
ΔΕΥΤΕΡΟΝ ΑΥΤΕ ΓΕΝΟΣ ΠΟΛΥ ΧΕΙΡΟΤΕΡΟΝ ΜΕΤΟΠΙΣΘΕΝ
ΑΡΓΥΡΕΟΝ ΠΟΙΗΣΑΝ ΟΛΥΜΠΙΑ ΔΩΜΑΤ' ΕΧΟΝΤΕΣ,
ΧΡΥΣΕΩ ΟΥΤΕ ΦΥΗΝ ΕΝΑΛΙΓΚΙΟΝ ΟΥΤΕ ΝΟΗΜΑ:
ΑΛΛ' ΕΚΑΤΟΝ ΜΕΝ ΠΑΙΣ ΕΤΕΑ ΠΑΡΑ ΜΗΤΕΡΙ ΚΕΔΝΗ
ΕΤΡΕΦΕΤ' ΑΤΑΛΛΩΝ, ΜΕΓΑ ΝΗΠΙΟΣ, Ω ΕΝΙ ΟΙΚΩ:
ΑΛΛ' ΟΤ' ΑΡ' ΗΒΗΣΑΙ ΤΕ ΚΑΙ ΗΒΗΣ ΜΕΤΡΟΝ ΙΚΟΙΤΟ,
ΠΑΥΡΙΔΙΟΝ ΖΩΕΣΚΟΝ ΕΠΙ ΧΡΟΝΟΝ, ΑΛΓΕ' ΕΧΟΝΤΕΣ
ΑΦΡΑΔΙΗΣ: ΥΒΡΙΝ ΓΑΡ ΑΤΑΣΘΑΛΟΝ ΟΥΚ ΕΔΥΝΑΝΤΟ
ΑΛΛΗΛΩΝ ΑΠΕΧΕΙΝ, ΟΥΔ' ΑΘΑΝΑΤΟΥΣ ΘΕΡΑΠΕΥΕΙΝ
ΗΘΕΛΟΝ ΟΥΔ' ΕΡΔΕΙΝ ΜΑΚΑΡΩΝ ΙΕΡΟΙΣ ΕΠΙ ΒΩΜΟΙΣ,
Η ΘΕΜΙΣ ΑΝΘΡΩΠΟΙΣ ΚΑΤΑ ΗΘΕΑ. ΤΟΥΣ ΜΕΝ ΕΠΕΙΤΑ
ΖΕΥΣ ΚΡΟΝΙΔΗΣ ΕΚΡΥΨΕ ΧΟΛΟΥΜΕΝΟΣ, ΟΥΝΕΚΑ ΤΙΜΑΣ
ΟΥΚ ΕΔΙΔΟΝ ΜΑΚΑΡΕΣΣΙ ΘΕΟΙΣ ΟΙ ΟΛΥΜΠΟΝ ΕΧΟΥΣΙΝ.
ΑΥΤΑΡ ΕΠΕΙ ΚΑΙ ΤΟΥΤΟ ΓΕΝΟΣ ΚΑΤΑ ΓΑΙΑ ΚΑΛΥΨΕ,
ΤΟΙ ΜΕΝ ΥΠΟΧΘΟΝΙΟΙ ΜΑΚΑΡΕΣ ΘΝΗΤΟΙ ΚΑΛΕΟΝΤΑΙ,
ΔΕΥΤΕΡΟΙ, ΑΛΛ' ΕΜΠΗΣ ΤΙΜΗ ΚΑΙ ΤΟΙΣΙΝ ΟΠΗΔΕΙ.
ΖΕΥΣ ΔΕ ΠΑΤΗΡ ΤΡΙΤΟΝ ΑΛΛΟ ΓΕΝΟΣ ΜΕΡΟΠΩΝ ΑΝΘΡΩΠΩΝ
ΧΑΛΚΕΙΟΝ ΠΟΙΗΣ', ΟΥΚ ΑΡΓΥΡΕΩ ΟΥΔΕΝ ΟΜΟΙΟΝ,
ΕΚ ΜΕΛΙΑΝ, ΔΕΙΝΟΝ ΤΕ ΚΑΙ ΟΒΡΙΜΟΝ: ΟΙΣΙΝ ΑΡΗΟΣ
ΕΡΓ' ΕΜΕΛΕ ΣΤΟΝΟΕΝΤΑ ΚΑΙ ΥΒΡΙΕΣ, ΟΥΔΕ ΤΙ ΣΙΤΟΝ
ΗΣΘΙΟΝ, ΑΛΛ' ΑΔΑΜΑΝΤΟΣ ΕΧΟΝ ΚΡΑΤΕΡΟΦΡΟΝΑ ΘΥΜΟΝ.
[ΑΠΛΑΣΤΟΙ: ΜΕΓΑΛΗ ΔΕ ΒΙΗ ΚΑΙ ΧΕΙΡΕΣ ΑΑΠΤΟΙ
ΕΞ ΩΜΩΝ ΕΠΕΦΥΚΟΝ ΕΠΙ ΣΤΙΒΑΡΟΙΣΙ ΜΕΛΕΣΣΙ.]
ΤΩΝ Δ' ΗΝ ΧΑΛΚΕΑ ΜΕΝ ΤΕΥΧΕΑ, ΧΑΛΚΕΟΙ ΔΕ ΤΕ ΟΙΚΟΙ,
ΧΑΛΚΩ Δ' ΕΙΡΓΑΖΟΝΤΟ: ΜΕΛΑΣ Δ' ΟΥΚ ΕΣΚΕ ΣΙΔΗΡΟΣ.
ΚΑΙ ΤΟΙ ΜΕΝ ΧΕΙΡΕΣΣΙΝ ΥΠΟ ΣΦΕΤΕΡΗΣΙ ΔΑΜΕΝΤΕΣ
ΒΗΣΑΝ ΕΣ ΕΥΡΩΕΝΤΑ ΔΟΜΟΝ ΚΡΥΕΡΟΥ ΑΙΔΑΟ,
ΝΩΝΥΜΝΟΙ: ΘΑΝΑΤΟΣ ΔΕ ΚΑΙ ΕΚΠΑΓΛΟΥΣ ΠΕΡ ΕΟΝΤΑΣ
ΕΙΛΕ ΜΕΛΑΣ, ΛΑΜΠΡΟΝ Δ' ΕΛΙΠΟΝ ΦΑΟΣ ΗΕΛΙΟΙΟ.
ΑΥΤΑΡ ΕΠΕΙ ΚΑΙ ΤΟΥΤΟ ΓΕΝΟΣ ΚΑΤΑ ΓΑΙΑ ΚΑΛΥΨΕΝ,
ΑΥΤΙΣ ΕΤ' ΑΛΛΟ ΤΕΤΑΡΤΟΝ ΕΠΙ ΧΘΟΝΙ ΠΟΥΛΥΒΟΤΕΙΡΗ
ΖΕΥΣ ΚΡΟΝΙΔΗΣ ΠΟΙΗΣΕ, ΔΙΚΑΙΟΤΕΡΟΝ ΚΑΙ ΑΡΕΙΟΝ,
ΑΝΔΡΩΝ ΗΡΩΩΝ ΘΕΙΟΝ ΓΕΝΟΣ, ΟΙ ΚΑΛΕΟΝΤΑΙ
ΗΜΙΘΕΟΙ, ΠΡΟΤΕΡΗ ΓΕΝΕΗ ΚΑΤ' ΑΠΕΙΡΟΝΑ ΓΑΙΑΝ.
ΚΑΙ ΤΟΥΣ ΜΕΝ ΠΟΛΕΜΟΣ ΤΕ ΚΑΚΟΣ ΚΑΙ ΦΥΛΟΠΙΣ ΑΙΝΗ
ΤΟΥΣ ΜΕΝ ΥΦ' ΕΠΤΑΠΥΛΩ ΘΗΒΗ, ΚΑΔΜΗΙΔΙ ΓΑΙΗ,
ΩΛΕΣΕ ΜΑΡΝΑΜΕΝΟΥΣ ΜΗΛΩΝ ΕΝΕΚ' ΟΙΔΙΠΟΔΑΟ,
ΤΟΥΣ ΔΕ ΚΑΙ ΕΝ ΝΗΕΣΣΙΝ ΥΠΕΡ ΜΕΓΑ ΛΑΙΤΜΑ ΘΑΛΑΣΣΗΣ
ΕΣ ΤΡΟΙΗΝ ΑΓΑΓΩΝ ΕΛΕΝΗΣ ΕΝΕΚ' ΗΥΚΟΜΟΙΟ.
[ΕΝΘ' Η ΤΟΙ ΤΟΥΣ ΜΕΝ ΘΑΝΑΤΟΥ ΤΕΛΟΣ ΑΜΦΕΚΑΛΥΨΕ]
ΤΟΙΣ ΔΕ ΔΙΧ' ΑΝΘΡΩΠΩΝ ΒΙΟΤΟΝ ΚΑΙ ΗΘΕ' ΟΠΑΣΣΑΣ
ΖΕΥΣ ΚΡΟΝΙΔΗΣ ΚΑΤΕΝΑΣΣΕ ΠΑΤΗΡ ΕΣ ΠΕΙΡΑΤΑ ΓΑΙΗΣ.
ΚΑΙ ΤΟΙ ΜΕΝ ΝΑΙΟΥΣΙΝ ΑΚΗΔΕΑ ΘΥΜΟΝ ΕΧΟΝΤΕΣ
ΕΝ ΜΑΚΑΡΩΝ ΝΗΣΟΙΣΙ ΠΑΡ' ΩΚΕΑΝΟΝ ΒΑΘΥΔΙΝΗΝ,
ΟΛΒΙΟΙ ΗΡΩΕΣ, ΤΟΙΣΙΝ ΜΕΛΙΗΔΕΑ ΚΑΡΠΟΝ
ΤΡΙΣ ΕΤΕΟΣ ΘΑΛΛΟΝΤΑ ΦΕΡΕΙ ΖΕΙΔΩΡΟΣ ΑΡΟΥΡΑ.
ΜΗΚΕΤ' ΕΠΕΙΤ' ΩΦΕΛΛΟΝ ΕΓΩ ΠΕΜΠΤΟΙΣΙ ΜΕΤΕΙΝΑΙ
ΑΝΔΡΑΣΙΝ, ΑΛΛ' Η ΠΡΟΣΘΕ ΘΑΝΕΙΝ Η ΕΠΕΙΤΑ ΓΕΝΕΣΘΑΙ.
ΝΥΝ ΓΑΡ ΔΕ ΓΕΝΟΣ ΕΣΤΙ ΣΙΔΗΡΕΟΝ: ΟΥΔΕ ΠΟΤ' ΗΜΑΡ
ΠΑΥΣΟΝΤΑΙ ΚΑΜΑΤΟΥ ΚΑΙ ΟΙΖΥΟΣ ΟΥΔΕ ΤΙ ΝΥΚΤΩΡ
ΦΘΕΙΡΟΜΕΝΟΙ: ΧΑΛΕΠΑΣ ΔΕ ΘΕΟΙ ΔΩΣΟΥΣΙ ΜΕΡΙΜΝΑΣ.
ΑΛΛ' ΕΜΠΗΣ ΚΑΙ ΤΟΙΣΙ ΜΕΜΕΙΞΕΤΑΙ ΕΣΘΛΑ ΚΑΚΟΙΣΙΝ.
ΖΕΥΣ Δ' ΟΛΕΣΕΙ ΚΑΙ ΤΟΥΤΟ ΓΕΝΟΣ ΜΕΡΟΠΩΝ ΑΝΘΡΩΠΩΝ,
ΕΥΤ' ΑΝ ΓΕΙΝΟΜΕΝΟΙ ΠΟΛΙΟΚΡΟΤΑΦΟΙ ΤΕΛΕΘΩΣΙΝ.
ΟΥΔΕ ΠΑΤΗΡ ΠΑΙΔΕΣΣΙΝ ΟΜΟΙΙΟΣ ΟΥΔΕ ΤΙ ΠΑΙΔΕΣ
ΟΥΔΕ ΞΕΙΝΟΣ ΞΕΙΝΟΔΟΚΩ ΚΑΙ ΕΤΑΙΡΟΣ ΕΤΑΙΡΩ,
ΟΥΔΕ ΚΑΣΙΓΝΗΤΟΣ ΦΙΛΟΣ ΕΣΣΕΤΑΙ, ΩΣ ΤΟ ΠΑΡΟΣ ΠΕΡ.
ΑΙΨΑ ΔΕ ΓΗΡΑΣΚΟΝΤΑΣ ΑΤΙΜΗΣΟΥΣΙ ΤΟΚΗΑΣ:
ΜΕΜΨΟΝΤΑΙ Δ' ΑΡΑ ΤΟΥΣ ΧΑΛΕΠΟΙΣ ΒΑΖΟΝΤΕΣ ΕΠΕΣΣΙ,
ΣΧΕΤΛΙΟΙ, ΟΥΔΕ ΘΕΩΝ ΟΠΙΝ ΕΙΔΟΤΕΣ: ΟΥΔΕ ΚΕΝ ΟΙ ΓΕ
ΓΗΡΑΝΤΕΣΣΙ ΤΟΚΕΥΣΙΝ ΑΠΟ ΘΡΕΠΤΗΡΙΑ ΔΟΙΕΙΝ:
[ΧΕΙΡΟΔΙΚΑΙ: ΕΤΕΡΟΣ Δ' ΕΤΕΡΟΥ ΠΟΛΙΝ ΕΞΑΛΑΠΑΞΕΙ:]
ΟΥΔΕ ΤΙΣ ΕΥΟΡΚΟΥ ΧΑΡΙΣ ΕΣΣΕΤΑΙ ΟΥΔΕ ΔΙΚΑΙΟΥ
ΟΥΔ' ΑΓΑΘΟΥ, ΜΑΛΛΟΝ ΔΕ ΚΑΚΩΝ ΡΕΚΤΗΡΑ ΚΑΙ ΥΒΡΙΝ
ΑΝΕΡΑ ΤΙΜΗΣΟΥΣΙ: ΔΙΚΗ Δ΄ΕΝ ΧΕΡΣΙ: ΚΑΙ ΑΙΔΩΣ
ΟΥΚ ΕΣΤΑΙ, ΒΛΑΨΕΙ Δ' Ο ΚΑΚΟΣ ΤΟΝ ΑΡΕΙΟΝΑ ΦΩΤΑ
ΜΥΘΟΙΣΙ ΣΚΟΛΙΟΙΣ ΕΝΕΠΩΝ, ΕΠΙ Δ' ΟΡΚΟΝ ΟΜΕΙΤΑΙ.
ΖΗΛΟΣ Δ' ΑΝΘΡΩΠΟΙΣΙΝ ΟΙΖΥΡΟΙΣΙΝ ΑΠΑΣΙ
ΔΥΣΚΕΛΑΔΟΣ ΚΑΚΟΧΑΡΤΟΣ ΟΜΑΡΤΗΣΕΙ ΣΤΥΓΕΡΩΠΗΣ.
ΚΑΙ ΤΟΤΕ ΔΕ ΠΡΟΣ ΟΛΥΜΠΟΝ ΑΠΟ ΧΘΟΝΟΣ ΕΥΡΥΟΔΕΙΗΣ
ΛΕΥΚΟΙΣΙΝ ΦΑΡΕΣΣΙ ΚΑΛΥΨΑΜΕΝΩ ΧΡΟΑ ΚΑΛΟΝ
ΑΘΑΝΑΤΩΝ ΜΕΤΑ ΦΥΛΟΝ ΙΤΟΝ ΠΡΟΛΙΠΟΝΤ' ΑΝΘΡΩΠΟΥΣ
ΑΙΔΩΣ ΚΑΙ ΝΕΜΕΣΙΣ: ΤΑ ΔΕ ΛΕΙΨΕΤΑΙ ΑΛΓΕΑ ΛΥΓΡΑ
ΘΝΗΤΟΙΣ ΑΝΘΡΩΠΟΙΣΙ: ΚΑΚΟΥ Δ' ΟΥΚ ΕΣΣΕΤΑΙ ΑΛΚΗ. |
